Gjermania dhe Polonia shtrëngojnë kontrollet kufitare në trena, në trafikun ajror dhe jo vetëm!

Ministrja e Brendshme gjermane Nancy Faeser njoftoi një zgjerim të kontrolleve në dhe pranë kufirit pas bisedimeve me homologun polak Mariusz Kaminski të martën por nuk shpalli kontrolle stacionare kufitare. Berlini po i reziston nocionit të rivendosjes së pikave fikse të kontrollit në luftën kundër kontrabandës së njerëzve nga Bjellorusia, siç është kërkuar nga dy shtete në kufijtë me Poloninë dhe Republikën Çeke.

Faeser tha se dëshironte të shihte kontrolle të forcuara të emigracionit në kufirin gjermano-polak gjatë një vizite në qytetin kufitar polak në Swiecko. Shtrëngimi i kontrolleve do të përfshinte më shumë kontrolle në trena si dhe në trafikun ajror.

Ministri tha se presioni i shtuar i emigracionit përmes Polonisë nga Bjellorusia do të trajtohet nga të dyja vendet “me masat këtu në kufi, por nga të dyja palët në të dyja anët e kufirit”. Shumica e kufijve të Gjermanisë, përfshirë ato me të dy vendet, aktualisht kontrollohen vetëm me kontrolle të rastësishme dhe masa të tjera.

Vetëm kufiri i Gjermanisë me Austrinë aktualisht zbaton kontrolle fikse kufitare për të gjithë ata që kalojnë. Kështu ka ndodhur që nga viti 2015 kur dhjetëra mijëra njerëz u drejtuan drejt Europës Perëndimore përmes rrugës ballkanike.

Ministrat e Brendshëm të shteteve gjermane lindore të Brandenburgut dhe Saksonisë po bëjnë presion që Faeser të zbatojë një sistem të ngjashëm në kufijtë e tyre lindorë dhe jugorë, të cilët gjithashtu kanë qenë pika kalimi për emigrantët që hyjnë në Gjermani.

Sipas të dhënave zyrtare, hyrjet e paautorizuara përmes Polonisë janë rritur ndjeshëm me 4,013 raste nga janari në mars, përpara Austrisë me 3,674 raste. Në kufirin gjermano-çek në Saksoni, hyrje të tilla kanë rënë ndjeshëm që kur arritën kulmin në shtator 2022.

Qeveritë federale dhe shtetërore në një samit kombëtar për refugjatët në Berlin më 10 maj ranë dakord të vendosin kontrolle fikse kufitare me fqinjët e BE-së vetëm nëse është absolutisht e nevojshme. Zëvendëskryetarja e grupit parlamentar të opozitës konservatore CDU/CSU, Andrea Lindholz, kërkoi disa ashpërsim në kufijtë e Gjermanisë.

Roja kufitare polake ka vënë re një numër në rritje të tentativave për kalime të parregullta kufitare në kufirin me Bjellorusinë në javët e fundit, që mendohet të jetë pjesë e një përpjekjeje të Minskut për t’u hakmarrë ndaj sanksioneve perëndimore të vendosura ndaj tij.

Lindholz tha se Faeser dhe Polonia duhet të bien dakord për një udhërrëfyes konkret për të reduktuar ndjeshëm hyrjet e paligjshme në Gjermani. Sindikata e Policisë së Gjermanisë (GdP) e ka vlerësuar me skepticizëm vendosjen e mundshme të kontrolleve të palëvizshme kufitare me të dy vendet, sepse shumica e emigrantëve do të kërkonin azil.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.