Gjermania prezanton strategjinë kundër Kinës – Pekini konsiderohet si partner, konkurent dhe kundërshtar

Duke e cilësuar si një partner, konkurent dhe kundërshtar në të njëjtën kohë, Gjermania ka prezantuar strategjinë e saj të re kundër Kinës. Sipas deklaratës zyrtare gjatë kohëve të fundit janë konfiruar elementë në rritje të rivalitetit dhe konkurrencës

Qeveria gjermane prezantoi strategjinë e saj të re ndaj Kinës, pas negociatave të gjata që ndanë partnerët e koalicionit qeveritar trepartiak nën drejtimin e kancelarit Olaf Scholz.

Ministrja e Jashtme e Gjermanisë, Annalena Burbock nga Të Gjelbrit, prezantoi planet e qeverisë në Institutin Mercator për Studime Kineze në Berlin.

Strategjia e sigurisë kombëtare u prezantua muajin e kaluar nga Olaf Solz personalisht dhe katër ministra të qeverisë së tij. Në këtë tekst, Kina karakterizohet – në të njëjtën kohë – si partnere, konkurrente dhe kundërshtare, një pozicion i përafruar me atë të BE-së.

Megjithëse strategjia e sigurisë kombëtare tha se kishte pasur “elementë në rritje të rivalitetit dhe konkurrencës vitet e fundit”, nuk e bëri të qartë se çfarë qëndrimi do të mbante Berlini ndaj Pekinit në vijim.

Burbok, tha se strategjia për Kinën do të dërgojë mesazhin se Gjermania kërkon të jetojë në paqe dhe liri me të gjithë partnerët në këtë botë, me të gjitha vendet e botës, por në të njëjtën kohë duhet bërë e qartë se nuk është naive.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.