Punët sezonale më të mirëpaguara – Nga instruktor sërfi deri tek kateringu

Muajt e verës nuk nënkuptojnë vetëm mundësi për pushime e turizëm. Tashmë mund të jenë dhe një mundësi shumë e mirë për të fituar një shifër të konsiderueshme parash brenda pak kohe. Sipas një analize nga Britania e Madhe, puna sezonale më e mirëpaguar për momentin është ajo e instruktorit të sërfit.

Jo vetëm kamerierë dhe kuzhinierë: vera ofron mundësi të shumta për të gjetur punë sezonale nga të cilat mund të merret një dorë e mirë parash. Duke lënë mënjanë shkollën dhe provimet për pak kohë, të rinjtë – por edhe të moshuarit me punë të pasigurt – e gjejnë veten me kohën e lirë në dispozicion dhe me dëshirën për ta shfrytëzuar atë sa më mirë: shumë sipërmarrës të zënë në sezonin e verës po kërkojnë staf të ri. Nga Mbretëria e Bashkuar vjen një renditje interesante që zbulon se cilat janë punët më të paguara të verës: në krye është instruktori i sërfit.

Në mënyrë indikative, këto janë punë veçanërisht të përshtatshme për të rinjtë nga mosha 16 deri në 25 vjeç: ato nuk kërkojnë asnjë kualifikim, edhe nëse në disa raste është i nevojshëm një kurs trajnimi. Hulumtimi, i raportuar ditët e fundit nga tabloidi britanik The Sun, tregon instruktorin e sërfit si punën më të paguar të verës: mësimdhënia si të ngasësh valët mund të fitojë mbi 7200 euro në verë. Një shifër e ngjashme mund të futet në xhep edhe duke qenë një asistent kateringu. Në fakt, vera është stina e festivaleve dhe ngjarjeve dhe një asistent katering mund të sjellë në shtëpi rreth 7100 euro në tre muaj. Në shkallën e tretë të podiumit është një aktivitet që mund të kryhet gjatë gjithë vitit, por që kërkohet veçanërisht në muajt e verës, kur qytetet e artit pushtohen nga turistët: është guida turistike. Megjithatë, për të kryer këtë aktivitet është e nevojshme pajisja me licencë, por një guidë turistike veçanërisht aktive në verë mund të arkëtojë rreth 6700 euro.

Renditja e punëve verore më të paguara në Britaninë e Madhe, vazhdon me shoqëruesin e plazhit, instruktorin e notit, koordinatorin e kampit veror, kujdestarin e parkingut, estetistin, asistentin në një sallon akulloreje dhe mikpritësin/strehuesin e eventeve. Për të gjitha këto aktivitete, duke marrë parasysh tre muajt e verës, mund të fitoni një shumë që varion nga 7227 deri në 5667 euro. Këto nuk janë të ardhura stratosferike, por gjithsesi një shifër që mund të jetë e dobishme për studentët e rinj, por edhe për një punëtor të pasigurt që nuk ka një punë të përhershme gjatë vitit.

Megjithatë, një aspekt që nuk duhet anashkaluar në punësimin e personelit sezonal është siguria. Nxitimi mund të luajë truket dhe t’i heqë kohë trajnimit dhe edukimit mbi temën e sigurisë në punë. Shifrat në Itali vazhdojnë të jenë shqetësuese duke qenë se viti 2022 përfundoi me 697.773 të lënduar dhe në katër muajt e parë të 2023, sipas të dhënave të Inail, tashmë janë regjistruar më shumë se 86.000.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.