Erdogan dëshiron të blejë avionë rusë – Objektivi: Shuarja e zjarreve në pyje

Avionë rusë për të shuar zjarret në pyje. Me këtë arsyetim presidenti i Turqisë Erdogan konfirmoi dëshirën për blerjen e mundshme në një kohë që Ankaraja negocionte për të blerë avionë luftarakë amerikanë F-16

Presidenti turk Rexhep Tajip Erdogan tha se gjatë takimit me liderin rus Vladimir Putin, planifikon të diskutojë me të për blerjen e avionëve amfibë rusë për të luftuar zjarret në pyje.

Pas kthimit nga samiti i NATO-s në Vilnius, Erdogan tha se autoritetet turke kanë ndarë 100 milionë lira për Drejtorinë për riparimin e pasojave të fatkeqësive natyrore për blerjen e helikopterëve dhe aeroplanëve.

Kreu i shtetit turk shtoi se blerja e dy ose tre avionëve të tillë do të ndikojë pozitivisht në përpjekjet për shuarjen e zjarreve në pyje.

Siç thuhet më  tej në deklaratën për media të qeverisë së Ankarasë, i nxehti “afrikane” mbizotëron në pjesën më të madhe të Turqisë me temperatura mbi 30 gradë, ndërsa ditët e ardhshme pritet një rritje deri në 44 gradë në disa rajone. Për shkak të temperaturave të larta, zjarret në pyje janë regjistruar në zona të ndryshme të vendit.

Në shkurt, avionët rusë Be-200 shuan zjarret në Turqi, që shpërthyen pas tërmetit.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.