Gjermanisë do i mungojnë 663 mijë ekspertë IT – Numri do të rritet ndjeshëm nëse nuk merren masa të menjëhershme
Pa politikat e duhura, Gjermanisë mund t’i mungojnë rreth 663.000 profesionistë të IT-së në vitin 2040. Shoqata dixhitale ‘Bitkom’ llogarit se 149.000 të tillë mungojnë aktualisht në sektor.
Një hendek i madh do të lindë kryesisht për shkak të rritjes së nevojës për zhvillues, administratorë të sistemit dhe specialistë të tjerë të IT. Deri në vitin 2040, gjithsej 1.92 milionë vende pune do të duhet të plotësohen. Megjithatë, ofrohen vetëm 1.26 milionë punëtorë të kualifikuar.
Bitcom bën të qartë se përveç këtyre shifrave, ka mijëra vende pune të paplotësuara në IT në administratë, shkolla dhe institucione shkencore. Mungesa e profesionistëve të IT-së, e cila është përkeqësuar me kalimin e viteve, prek të gjithë vendin dhe ngadalëson dixhitalizimin shumë të nevojshëm. Një hendek i zgjeruar i aftësive të IT-së nënkupton humbje të konkurrencës, vlerës së shtuar, rritjes dhe prosperitetit. Sipas ekspertëve pa ekspertë të IT, Gjermania po humbet të ardhmen e saj dixhitale.
Rreth 108.000 punëtorë shtesë të kualifikuar mund të hyjnë në treg deri në vitin 2040. Nëse tërhiqen më shumë studentë dhe praktikantë, nëse rritet interesi për IT tek popullata femërore dhe ndalohet braktisja e studimeve për informatikë.
Për të arritur këtë qëllim, nevojiten masa të tilla si futja e më shumë klasave të informatikës në shkollat në të gjithë Gjermaninë, si dhe hapja e katedrave për shkenca kompjuterike, digjitalizim dhe inteligjencë artificiale.
Një masë shtesë është mbajtja e punonjësve të moshuar mbi moshën e pensionit. Kjo do të thotë se hendeku mund të zvogëlohet me 68.500 vende të tjera.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.