Greqi, “lulëzojnë” firmat ndërkombëtare të luksit – Vendasit sfidojnë inflacionin dhe pasojat e luftërave

Nga njëra anë rritja e ekonomisë, nga ana tjetër fluksi veçanërisht i lartë turistik që ruajti një ritëm të konsiderueshëm, aktualisht tregu i mallrave të luksit në Greqi duket se po shkon drejt niveleve të reja të larta të shitjeve, duke sfiduar për momentin valën e përgjithshme inflacioniste.

Faktet e vendosin tregun grek mes atyre që bien në sy këtë vit, duke qenë se në ekonomitë më të mëdha ka pasur një frenim të lehtë të ritmit të rritjes me të cilin ishin mësuar investitorët, duke çuar në fund të fundit në një korrigjim të aksioneve të shtëpive të mëdha të modës.

Në Greqi, markat e luksit po fitojnë kryesisht në dyqanet që operojnë në Athinë, të cilat janë rritur vazhdimisht vitet e fundit, ndërsa marrin një rritje të konsiderueshme edhe nga dyqanet e tyre në destinacione turistike veçanërisht të njohura, si Mykonos dhe Santorini.

Sipas zyrtarëve të industrisë, sezoni veror i këtij viti rezultoi më i mirë se sa pritej, pavarësisht sfidave të mëdha, të nxitura kryesisht nga rritja e fluksit turistik në kryeqytet, por edhe ruajtja e kërkesës në rritje të regjistruar nga klientët grekë.

Prandaj, filialet greke të gjigantëve të luksit shumëkombësh mbeten në rrugën e duhur për të arritur qarkullim dhe fitime të larta, duke kontribuar me dividentë të rëndësishëm për kompanitë e tyre mëmë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.