Greqia, program për përmirësimin e energjisë – Prioritet do të kenë ndërtesat publike si shkollat dhe spitalet!

Zyrat, shkollat dhe spitalet në Greqi do të kenë prioritet në programin e quajtur “Electra” për përmirësimin e energjisë në ndërtesat publike. Objektivi është reduktimi i konsumit të energjisë me të paktën 30%.

Qeveria po investon 640 milion euro – marrë nga fondi i depozitave dhe kredive, banka europiane e infestimeve dhe fondi i rimëkëmbjes – me objektivin për të përmirësuar 2.5 milion metra katrorë ndërtesa në të cilat janë vendosur shërbimet shtetërore – në pronësi ose me qera.

Prioritet, siç tregohet dhe në udhëzimet e programit do të kenë ndërtesat që konsumojnë më shumë energji, përmirësimi i të cilave do të sigurojë më shumë kursim të energjisë, por dhe reduktim të ndjeshëm të emetimeve të gazrave serrë.

Buxheti do të shpërndahet në varësi të rëndësisë së zyrave: 280 milionë euro do të përdoren për institucionet edukuese si universitete dhe shkolla, 160 milionë për zyrat shëndetësore dhe sociale si spitale, qendra shëndeti, azile etj. Pjesa tjetër do të shpërndahet sërish në varësi të konsumit të energjisë.

Ndërtesat në të cilat janë vendosur shërbime të tjera, si salla sportive, muzeume, kisha, fondacione apo teatro do të përfitojnë 70 milionë euro, ndërsa ndërtesat e përdorura për administratën publike 50 milionë euro.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.