Indonezia ul në 1% TVSH për automjetet elektrike – Vendimi, një përpjekje për të tërhequr investime në vend
Indonezia ka ulur tatimin mbi vlerën e shtuar për shitjet e automjeteve elektrike me bazë baterie në 1% nga 11% për të inkurajuar përdorimin e automjeteve elektrike. Lajmi u konfirmua nga burime qeveritare, mes përpjekjeve për të tërhequr investime në prodhimin vendas.
Nxitja hyri në fuqi këtë muaj dhe do të qëndrojë e tillë deri në fund të vitit, tha në një deklaratë Ministria Koordinuese e Çështjeve Detare dhe Investimeve. Një ulje e TVSH-së u aplikua gjithashtu për disa autobusë elektrikë.
Indonezia po shton përpjekjet për të joshur investimet në prodhimin vendas të baterive EV dhe EV-ve për të shfrytëzuar rezervat e saj të pasura të nikelit, i cili përpunohet për prodhimin e baterive. Zyrtarët janë përpjekur të tërheqin investime nga prodhuesit e automjeteve elektrike si Tesla dhe BYD Auto i Kinës.
LG dhe Hyundai i Koresë së Jugut kanë filluar tashmë ndërtimin e fabrikave për të montuar bateritë dhe EV-të në vendin e Azisë Juglindore. Indonezia tha muajin e kaluar se do të ndajë 466.7 milionë dollarë në fonde shtetërore për të subvencionuar shitjet e motoçikletave elektrike deri në vitin 2024.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.