Shtëpia më e shtrenjtë në Londër, 74 mln USD – Rezidenca në shitje ka një pishinë 33 metra të gjatë dhe 8 dhoma gjumi
Një nga shtëpitë më të shtrenjta në Londër u rendit në listën e pronave në shitje për 60 milionë paund, rreth 74 milionë dollarë. Rezidenca e mbushur me komoditete përfshin gjashtë kate, duke përfshirë dy që janë nën tokë. Ajo ka një pishinë të madhe 33 metra e gjatë, një tualet dhe parkim që lidhet me një rrugicë të fshehur.
Shtëpia me tetë dhoma gjumi dhe tetë banja shtrihet mbi 14.700 metra katrorë dhe është në një zonë të re rezidenciale në zhvillim të quajtur Kazerma Chelsea, e vendosur në Belgravia, një nga lagjet më të shtrenjta të Londrës.
Zhvillimi është emëruar pas tokës ku ndodhet, një zonë prej 13 hektarësh e cila për 150 vjet strehonte regjimente nga Ushtria Mbretërore Britanike. Parcela u shit në vitin 2008 nga Ministria Britanike e Mbrojtjes për 1.3 miliardë dollarë, ose 100 milionë dollarë për hektarë. Çmimi i shitjes e bëri atë një nga transferimet më të mëdha të tokës në historinë britanike dhe një nga transaksionet më të mëdha të pasurive të patundshme të banueshme në botë.
Vendi u ble nga fondi sovran i pasurisë i Shtetit të Katarit në partneritet me Candy Brothers, zhvillues britanikë të cilët më vonë shitën pjesën e tyre tek kompania e pasurive të patundshme të Katarit, Diar. Kompania mbikëqyri zhvillimin e 290 rezidencave luksoze dhe 130 njësive të banesave të përballueshme në vend. Zona ndodhet më pak se dy milje nga Pallati Buckingham dhe pak më shumë se një çerek milje nga lumi Tamiz.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.