“OPEC+ po dëmton perspektivën e rritjes globale” – Deklarata e Yellen, pas vendimit për uljen e prodhimit të naftës

Sekretarja e Thesarit e SHBA-së, Janet Yellen tha se një ulje befasuese e prodhimit të naftës nga OPEC+ është një “akt jokonstruktiv” që do të shtojë pasigurinë në perspektivën e rritjes globale dhe do t’i ngarkojë konsumatorët në një kohë inflacioni të lartë. Ajo shtoi se është një veprim për të ardhur keq që OPEC vendosi të ndërmarrë, duke theksuar se ishte shumë herët për të vlerësuar se cili do të ishte ndikimi i çmimit. Kjo sipas saj ndikon për keq në një moment që po bëhet e pamundura që cmimet e energjisë të qëndrojnë sa më të ulëta.

Yellen tha se një ulje e çmimeve të benzinës nga nivelet rekord të vitit të kaluar kishte ndihmuar në kufizimin e inflacionit dhe do të ishte e dëmshme nëse prirja do të ndryshonte. Çmimet bazë të naftës u rritën me 6% të hënën, një ditë pasi grupi OPEC+ tronditi tregjet me planet për të ulur më shumë prodhimin, duke rritur frikën e reduktimit të furnizimeve. Yellen këmbënguli se është e qartë, që nuk është një hap pozitiv për rritjen globale, tha Yellen. Dhe se kjo shton pasigurinë dhe barrën në një kohë kur inflacioni është tashmë i lartë.

Presidenti i SHBA Joe Biden minimizoi ndikimin e lëvizjes së OPEC + në një koment të shkurtër për gazetarët. Ai tha se situata nuk do të jetë aq e keqe sa mendohet. Ndërsa e pyetur për ndikimin që do të kishte ulja e prodhimit të OPEC+ në kufirin e çmimit prej 60 dollarësh për fuçi që qeveritë perëndimore kanë vendosur ndaj naftës së papërpunuar ruse, Yellen tha se nuk e sheh të ketë ndonjë ndikim të rëndësishëm në nivelin e duhur të kufirit të çmimit. Ajo theksoi se vendet e koalicionit mund të rishikojnë nivelin e kufirit të çmimeve nëse një ndryshim vlerësohet i përshtatshëm.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.