Inflacioni i Eurozonës bie më shumë se sa pritej në tetor!
Inflacioni në eurozonë ra më shumë se sa pritej në 2.9% në tetor, sipas zyrës së statistikave të BE-së.
Me periudhën e blerjeve të Krishtlindjeve vetëm disa javë larg, Eurostat njoftoi të martën se çmimet e konsumit në zonën e euros kishin arritur nivelin e tyre më të ulët në më shumë se dy vjet, nga 4.3% në shtator.
Shkaku kryesor ishte rënia dyshifrore e çmimit të karburanteve, e cila u lehtësua me 11.1%. Të dhënat më të mira se sa pritej për inflacionin po i afrohen objektivit prej 2% të vendosur nga Banka Qendrore Evropiane, me politikën e saj të normave më të larta të interesit që kontribuon në qetësinë e mirëpritur.
Por në të njëjtën kohë, rritja u zhduk pasi prodhimi u tkurr pas muajsh stagnimi.
Gjermania, më e madhja nga 20 vendet që përdorin euron, pati rënie të prodhimit të saj ekonomik me 0.1%, ndërsa Franca, ekonomia e dytë më e madhe, regjistroi rritje prej vetëm 0.1%.
Paolo Gentiloni, Komisioneri i BE-së për Ekonominë, reagoi ndaj të dhënave më të fundit të inflacionit dhe PBB-së në X, i njohur më parë si Twitter, duke thënë se “një fazë tranzicioni në të cilën nevojitet kujdes për shpenzimet dhe mbështetje për investime”.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.