Inflacioni në rritje rrëzon bursat – Por, pritet të publikojnë fitimet më të mëdha javore që nga korriku
Bursat europiane po qëndrojnë në rënie në sesionin, pasi humori i investitorëve është dobësuar nga raporti mbi inflacionin në SHBA që u publikua të enjten. Indeksi pan-Europian Stoxx 600 po qëndron në rënie me 0.2%, ndërsa sektori i naftës dhe gazit kryeson fitimet, në rritje me 1%.
Pavarësisht rritjes së tensioneve gjeopolitike, për shkak të luftës mes Izraelit dhe Hamasit, tregjet kanë performuar mirë gjatë kësaj jave duke realizuar fitimet më të mëdha që nga korriku. Aksionet globale u mbështetën nga komentet e disa zyrtarëve të Rezervës Federale, të cilat thanë se mund të mos jetë e nevojshme një tjetër rritje e normës bazë, gjatë këtij viti. Por, duket se raporti mbi inflacionin në SHBA që rezultoi mbi parashikimet e analistëve, ka ndyshuar pritshmëritë.
Ndërkohë, zyrtarët e Bankës Qendrore Europiane kanë deklaruar se normat e interesit në nivelet aktuale kanë mëse normale. Por, guvernatori i Bankës Qendrore të Belgjikës, Pierre Wunsch deklaroi për CNBC se një rritje e konsiderueshme e çmimeve të naftës mund ta detyrojë BQE të rrisë sërish normat e interesit.
Përsa i përket të dhënave të tjera, Indeksi i Çmimeve Konsumatore në Francë rezultoi në 4.9% me bazë vjetore në shtator, në të njëjtin nivel me muajin e kaluar. Ndërkohë, inflacioni vjetor në Spanjë rezultoi në rritje për të tretin muaj me radhë, duke u rritur nga 2.6% në gusht në 3.5% në shtator.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.