Italia kërkon më shumë punëtorë të huaj – 452 mijë në periudhën 2023-2025 për sektorët e turizmit dhe agrokulturës

Këshilli i ministrave në Itali ka miratuar dekretin e ri për punësimin e të huajve në vend duke theksuar se bëhet fjalë për 452 mijë punëtorë në tre vjet për periudhën 2023 – 2025.

Më saktësisht bëhet fjalë për 136 mijë hyrje në vitin 2023, 151 mijë në 2024-ën dhe 165 mijë në 2025-ën. Kategoritë dhe sektorët e përfshirë janë: elektricistët dhe hidraulikët, kuotë specifike për asistencën familjare dhe punonjësit e kujdesit social-shëndetësor. Janë shtuar gjithashtu “punëtorët për transportimin e pasagjerëve me autobus dhe peshkimi”.

Në vijim të analizës së nevojave të realiteteve prodhuese të vendit që u shfaqën në krahasim me shoqatat e punëdhënësve dhe sindikatat, është vendosur të përdoret logjika rritëse e kuotave. Hendeku midis flukseve hyrëse dhe nevojave të tregut të punës pritet të zvogëlohet në mënyrë progresive, në përputhje me kapacitetin pritës dhe integrues të punëtorëve të huaj në komunitetet lokale.

Sektorët e transportit rrugor për llogari të të tretëve, ndërtimit, hoteleri-turizmit, mekanikës, telekomunikacionit, ushqimit dhe ndërtimit të anijeve, konfirmohen për vetëpunësim dhe punë josezonale. Përsa i përket punëve sezonale, përfshihen sektori bujqësor dhe turistik-hotelier.

Si pjesë e kuotave për bujqësinë dhe turizmin, kuotat specifike janë të rezervuara për punëtorët nga vendet e origjinës ose tranzitit, të cilët nënshkruajnë marrëveshje për të lehtësuar migrimin e rregullt, kërkesat e të cilëve për autorizim për të hyrë në Itali për punë sezonale, qoftë edhe afatgjatë, janë paraqitur nga organizatat e punës. Këto organizata marrin përsipër të mbikëqyrin përfundimin e procesit të rekrutimit të punëtorëve deri në nënshkrimin aktual të kontratave, duke përfshirë komunikimet e detyrueshme.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.