Kadastra online, por dixhitalizimi i hartave s’përfundon para 2026 – Dokumenti për anëtarësimin: Digjitalizimi i të dhënave ligjore kërkon edhe dy vite

Ndërsa nga vera e këtij viti shërbimet kadastrale ofrohen vetëm online, është ende larg procesi i digjitalizimit të hartave dhe të dhënave ligjore të pronave. Qeveria parashikon që proceset e digjitalizimit të hartave dhe të dhënave ligjore të pronave të zgjasin deri në 2026

Ndërsa nga vera e këtij viti shërbimet kadastrale ofrohen vetëm online, duke se vetë Agjencia është ende larg procesit të digjitalizimit të informacionit dhe hartave të pronat. Në dokuemntin e sapomiratuar në kuadrin e anëtarësimit në Bashkimin Evropian, Këshilli i Ministrave ka miratuar afate të qarta për përfundimin e disa proceseve digjitalizimi të vetë institucionit, të cilat duket se aktualisht janë larg përfundimit. “Agjencia Shtetërore e Kadastrës siguron përfundimin e digjitalizimit të të dhënave ligjore deri në vitin 2026”, përcakton dokumenti qeveritar. Ndërkohë që shumë larg duket se është edhe procesi i digjitalizimit të hartave kadastrale, duke qenë se Këshilli i Ministrave parashikon “Përfundimin e digjitalizimit të hartës deri në vitin 2026”.

Ndërkohë që edhe më i largët është procesi i regjistrimit të pronave të pronave të paregjistruara, i cili duket se nuk do të ndodhë përpara katër viteve. “Përfundimin e regjistrimit të parë të pronës së paregjistruar deri në vitin 2028”, përcakton dokumenti i Këshillit të Ministrave.

Më tej, Qeveria përcakton Digjitalizimin e plotë të procesit të regjistrimit të pronave deri në vitin 2030 bazuar në proceset e brendshme efikase dhe të digjitalizuara të biznesit.

Afatet janë të largëta, pavarësisht se Dixhitalizimi i plotë i kartelave të pasurive të paluajtëshme si dhe hartave ka qenë prioriteti kryesor i Kadastrës për këtë vit. Vetëm për 2023, ajo ka punuar për dy projekte, i pari i financuar nga Qeveria dhe i dyti nga bashkimi Evropian. Në projektin me financim të brendshëm, pritet të dixhitalizohen të dhënat kadastrale për 3.18 milionë pasuri të paluajtëshme. Paralelisht do të kryhet edhe skanimi i 2.1 milionë dosjeve pasurish të paluajtëshme.

Të dyja këto projekte së bashku, parashikojnë 𝐝𝐢𝐱𝐡𝐢𝐭𝐚𝐥𝐢𝐳𝐢𝐦𝐢𝐧 𝐝𝐡𝐞 𝐬𝐤𝐚𝐧𝐢𝐦𝐢𝐧 𝐞 𝐫𝐫𝐞𝐭𝐡 𝟓𝟎 𝐦𝐢𝐥𝐢𝐨𝐧 𝐝𝐨𝐤𝐮𝐦𝐞𝐧𝐭𝐚𝐯𝐞 𝐝𝐡𝐞 𝐫𝐫𝐞𝐭𝐡 𝟗𝟎.𝟎𝟎𝟎 𝐩𝐥𝐚𝐧𝐬𝐡𝐞𝐭𝐚𝐯𝐞 𝐡𝐚𝐫𝐭𝐨𝐠𝐫𝐚𝐟𝐢𝐤𝐞, që mbulojnë të gjithë territorin e Republikës.

Dixhitalizimi i plotë i kartelave të pasurive të paluajtëshme duket se do të jetë prioriteti kryesor i Kadastrës për këtë vit. Qeveria ka miratuar buxhetin e Agjencisë Shtetërore të Kadastrës, ku ka parashikuar për këtë proces një fond prej rreth 5 milionë dollarëshë. Në total buxheti për Kadastrën do të jetë rreth 50 milionë dollarë.

Në vendimin e Qeverisë nënvizohet se pritet që përmes këtij procesi të dixhitalizohen të dhënat kadastrale për 3.18 milionë pasuri të paluajtëshme. Paralelisht do të kryhet edhe skanimi i 2.1 milionë dosjeve pasurish të paluajtëshme.

Ndërkohë që nuk do të jenë vetëm këto fondet që do përdoren përë këtë qëllim. Kadastra Shqiptare ka nisur prej kohësh një proces masiv dixhitalizimi të hartave me mbështetjen e Bashkimit Evropian.

Nga ana tjetër, Bashkimi Evropian nëpërmjet Projektit “BE për te Drejtat e Pronësisë”, i financuar nga fondet IPA, është angazhuar për financimin e procesit të skanimit të hartave kadastrale të pasurive të paluajtshme. Të dy këto procese komplementare do të realizojnë dixhitalizimin e plotë të të dhënave kadastrale mbi pasuritë e paluajtshme, duke i hapur rrugë përmirësimit sistematik dhe korrigjimit të gabimeve dhe mangësive mbi këto të dhëna të trashëguara ndër vite, që ndikojnë direkt si në cilësinë e shërbimeve ndaj qytetarëve ashtu dhe në zhvillimin e tregut të pasurive të paluajtshme.

Agjencia Shtetërore e Kadastrës kryen një vlerësim risku dhe miraton një plan të integritetit antikorrupsion për Agjencinë, duke përfshirë masat për transparencë dhe efikasitet deri në vitin 2024.

Forcimi i sigurisë juridike dhe pritshmërive legjitime për qytetarët dhe biznesin, gjithashtu, gëzimi efektiv i së drejtës themelore të pronës, Agjencia Shtetërore e Kadastrës siguron:

– Përfundimin e digjitalizimit të të dhënave ligjore deri

në vitin 2026;

– Përfundimin e digjitalizimit të hartës deri në vitin

2026;

– Përfundimin e regjistrimit të parë të pronës së

paregjistruar deri në vitin 2028;

– Digjitalizimin e plotë të procesit të regjistrimit të

pronave deri në vitin 2030 bazuar në proceset e

brendshme efikase dhe të digjitalizuara të biznesit;

– Kontrolle të saktësisë së të dhënave dhe korrigjimi i

të dhënave të kryer në mënyrë periodike.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.