Kërkohet klimë e qendrueshme biznesi – Jaço: Investimet e huaja, nën potencial. Pronësia e prokurimet kanë nevojë për vëmendje
Investimet e drejtpërdrejta të Shteteve të Bashkuara të Amerikës në vendin tonë janë rritur ndjeshëm duke u regjistruar në 220 milionë euro në fund të vitit 2022, por sërish kjo shifër konsiderohet nën potencial.
Në takimin vjetor të Dhomës Amerikane të Tregtisë, Presidenti Enio Jaço, theksoi se qëndrueshmëria e klimës së biznesit është shqetësimi kryesor i investitorëve të huaj.
E pranishme në takim, ambasadorja amerikane Yuri Kim, nënvizoi se është e rëndësishme që qeveria të dëgjojë kërkesat e Dhomës Amerikane të Tregtisë, si një grupim i fuqishëm i sipërmarrjeve, në mënyrë që të tërheqë sa më shumë investime.
Dhoma Amerikane e Tregtisë ka nën kupolën e saj 240 kompani me të ardhura vjetore deri në 3 miliardë dollarë, të cilat kanë të punësuar afro 4 mijë punonjës.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.