Kostot e zgjerimit të energjisë së erës në Gjermani – Ministria e ekonomisë mbështet shpërndarjen e drejtë të saj
Ministria gjermane e ekonomisë theksoi mbështetjen e plotë të shpërndarjes së kostove të rrjetit të zgjerimit të energjive të rinovueshme në mënyrë të “drejtë” mes landeve.
Një mosmarrëveshje midis landeve veriore dhe jugore është intensifikuar kohët e fundit, me banorët e veriut që ankohen për çmime më të larta të energjisë elektrike në rajonet e tyre, pavarësisht prodhimit më të lirë të energjisë së erës atje.
Çmimet në veri kanë qenë relativisht të larta për shkak të kostove të lidhjes së turbinave me erë në rrjetin elektrik që u barten banorëve të rajoneve ku ndodhen turbinat. Çmimet janë më të larta në veri për shkak të popullsisë më të ulët atje, që do të thotë se kostot i kalohen më pak konsumatorëve.
Kryeministrat e landeve veriore thanë se diferenca në çmime po dëmtonte mbështetjen lokale për ndërtimin e turbinave të reja me erë. Sipas tyre është e rëndësishme që shtetet federale të punojnë së bashku për një shpërndarje të drejtë. Ministria nuk pranoi të jepte detaje se si mund të rregullohen çmimet e energjisë elektrike.
Agjencia e rrjetit të Gjermanisë do të jetë përgjegjëse për rishpërndarjen e kostove në mënyrë më të drejtë pasi një projektligj të kalojë në dhomën e ulët të parlamentit dhe më pas do të paraqesë propozime për reforma.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.