Lajm i mirë: Lamtumirë inflacion! – Rimëkëmbet tregu global i drithërave

Tregu global i drithërave së shpejti duhet të rimëkëmbet plotësisht dhe kjo për shkak të prodhimit rekord të grurit, misrit dhe orizit. Sipas raportit të fundit të Bankës Botërore, zhvillime të tilla më në fund do të stabilizojnë zinxhirin global të prodhimit dhe shitjes së ushqimeve.

Nëse dihet se rritja e çmimeve të produkteve ushqimore ishte një nga nxitësit kryesorë të inflacionit në mbarë botën, parashikimet e Bankës Botërore janë arsyeja e optimizmit të moderuar të konsumatorëve.

Shkalla e inflacionit të ushqimeve në hulumtimin e kryer në Kroaci nga nëntori 2022 deri në qershor të këtij viti është në rënie të vazhdueshme, sipas të dhënave të fundit të Bankës Botërore.

Një inflacion i tillë në vitin e fundit ishte më i larti në nëntor 2022, kur arriti në 20.4%. Në qershor ishte 12.4%, që është 2.4% më pak se një muaj më parë. Të dhënat e Byrosë Kombëtare të Statistikave tregojnë se gjatë verës ka pasur një rritje të normës së inflacionit në kategorinë e ushqimeve dhe pijeve joalkoolike.

Krahasuar me qershorin, produktet nga kategoria e përmendur në korrik shënuan një rritje prej 0.3%, ndërsa një muaj më vonë ishin 0.2% më të shtrenjta, gjë që mund t’i atribuohet sezonit turistik. Ndërkohë, Estonia me 16.4%, Franca dhe Belgjika 13.2% dhe Hungaria me 23.1% kishin norma disi më të larta të inflacionit të ushqimeve në Europë.

Inflacioni po bie edhe në zonën përreth, ku në korrik ishte 17.1%. Në dhjetor 2022, norma e inflacionit të ushqimeve në Hungari ishte 44.8%.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.