Lëkundët ‘Dogecoin’ – Elon Musk nuk e përdor më si logo në Twitter!

Vendimi i Elon Musk për të mos përdorur më si logo të Twitter ‘Dogecoin’ ka shkaktuar lëkundjen e kriptomonedhës e cila shënoi një rënie prej 28% të vlerës së saj. Disa ditë më parë, përdoruesit e Twitter u befasuan kur panë logon ikonë të zogut blu në ekranin bazë të platformës të zëvendësuar me logon Dogecoin

 Vlera e ‘dogecoin’ po lëkundet pasi Twitter-i i Elon Musk ndaloi së përdoruri logon e qenit të tij, sipas raportimeve të coindesk. ‘Dogecoin’ përjetoi një rritje të paprecedentë më 3 prill pasi kompania e mediave sociale hoqi në mënyrë të pashpjegueshme logon e saj të shpendit blu, duke e zëvendësuar atë me dogecoin.

Vlera e kriptomonedhës u rrit deri në 10.5 cent më 3 prill pasi kompania e mediave sociale e Elon Musk kaloi në mënyrë të pashpjegueshme në përdorimin e Shiba Inu të dogecoin si logon e saj. Por ajo ra në 7.5 cent, 28% më poshtë nga kulmi i arritur më parë.

Disa ditë më parë, përdoruesit e Twitter u befasuan kur panë logon ikonë të zogut blu në ekranin bazë të platformës të zëvendësuar me logon Dogecoin. Ky u interpetua si një “mashtrim” i Elon Musk për t’u tallur një padi prej 258 milionë dollarësh kundër tij për fryrje të qëllimshme të vlerës së kriptomonedhës Dogecoin.

Që nga e hëna, përdoruesit e Twitter panë një qen Shiba Inu në ekranin e tyre, një veçori e kriptomonedhës Dogecoin, i të cilës pronari i ri i Tëitter-it është një mbështetës i flaktë. Kjo është kriptomonedha që u pranua në pagesën e mallrave në kompaninë tjetër të manjatit amerikan, atë të prodhimit të automjeteve Tesla.

Reuters raportoi qershorin e kaluar se paditësit pretendojnë se Musk e dinte se që nga viti 2019 kriptomonedha nuk kishte asnjë vlerë, por promovoi Dogecoin për të përfituar nga tregtitë e tij.

Në ankesën e bërë publike thuhej se Musk përdori pozicionin e tij si njeriu më i pasur në botë për të manipuluar skemën piramidale Dogecoin për përfitime, publicitet dhe argëtim.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.