Ligji i ri i BE-së: Detyron prodhuesit e smartfonëve të ndërtojnë bateri lehtësisht të zëvendësueshme!

Bashkimi Europian së shpejti do t’u kërkojë prodhuesve të smartfonëve që t’i lejojnë përdoruesit të zëvendësojnë bateritë e tyre. Rregullat e reja të ashpra të miratuara nga Parlamenti Europian këtë javë mund të shpëtojnë miliona telefona nga deponitë.

Çdo vit, më shumë se 150 milionë smartfonë hidhen tutje. Zëvendësimi më i lehtë i baterive mund të frenojë këtë përmbytje të mbeturinave elektronike. Telefonat ekzistues mbyllin bateritë brenda tabletit, që do të thotë se zëvendësimi i tyre mund të jetë pothuajse aq i shtrenjtë sa blerja e një telefoni të ri.

Masat e reja do të ndihmojnë në thyerjen e atij cikli të konsumit të shfrenuar, deklaroi eurodeputeti Achille Variati. Sipas legjislacionit, konsumatorët duhet të jenë në gjendje të “heqin dhe zëvendësojnë me lehtësi” bateritë portative të përdorura në pajisje të tilla si telefonat inteligjentë, tabletët dhe kamerat.

Kjo do të kërkojë një ridizajnim të rëndësishëm. Rregullat e zëvendësimit të smartfonëve janë pjesë e një sistemi më të gjerë rregullash. Të gjitha automjetet elektrike dhe bateritë industriale të rikarikueshme mbi 2 kWh do të duhet të kenë një deklaratë të detyrueshme të gjurmës së karbonit, etiketë dhe pasaportë dixhitale.

Parlamenti miratoi gjithashtu objektiva të rinj për mbledhjen e mbetjeve dhe rikuperimin e materialeve nga bateritë e vjetra. Deri në vitin 2031, 61 % e mbetjeve duhet të mblidhen dhe 95 % e materialeve duhet të rikuperohen nga bateritë e vjetra portative. Rregullat do të hyjnë në fuqi në vitin 2027.

Telefonat celularë qëndrojnë në deponi, duke derdhur kimikate toksike në ujërat nëntokësore dhe duke ndotur tokën. Këto duhen vite për t’u dekompozuar. Më keq akoma, këta telefona të ‘vdekur’ janë një humbje e tmerrshme e metaleve të çmuara si kobalti dhe litiumi.

Metale të tilla duhet të minohen – shpesh me pasoja jashtëzakonisht shkatërruese për komunitetet dhe ekosistemet lokale. Ndërsa tranzicioni i burimeve të rinovueshme rrit kërkesën për bateri, ulja e presionit të panevojshëm mbi rezervat ekzistuese është një imperativ moral dhe ekonomik. Fatkeqësisht, shumë telefona janë ndërtuar për të mos funksionuar.

Prodhuesit e kufizojnë qëllimisht jetëgjatësinë e pajisjeve të tyre në mënyrë që të detyrojnë konsumatorët të blejnë modele më të reja. Opinioni publik është kundër kësaj praktike.

Sipas një studimi të Komisionit Europian të kryer vitin e kaluar, 77 % e qytetarëve të BE-së preferojnë të riparojnë pajisjet e tyre sesa t’i zëvendësojnë ato. Përveç kësaj, 79 % mendojnë se prodhuesit duhet t’i bëjnë pajisjet e tyre dixhitale më të lehta për t’u riparuar, me akses më të mirë në pjesët individuale.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.