Mbiçmim rekord, farë po e forcon lekun në raport me euron? – Në fund të marsit, kursi mesatar 114.35 lekë, ndërkohë që në ditët e para të prillit 113.1

Leku shqiptar ka thelluar ndjeshëm tendencën mbiccmuese në raport me euron, edhe pse kjo e fundit ka njohur ecuri pozitive në tregjet evropiane. Pas një rënie të lehtë në janar, leku ka fituar ndjeshëm terren në raport me euron duke prekur rekorde historike. Në fund të marsit, kursi mesatar i këmbimit ra në 114.35 lekë, ndërkohë që në ditët e para të prillit, një euro në tregun e brendshëm u këmbye me 113.12.

Mbiçmimi rekord i lekut vjen në një moment kur euro po performon mirë në raport me dollarin amerikan. Eurozona shënoi zhvillim më pozitiv nga cc’pritej në tremujorin e fundit të vitit të shkuar, i cili sugjeronte se ajo mund ta shmangte recesionin, ashtu si dhe situatë energjitike më të mirë nga pritshmëritë. Euro po përfiton edhe nga rritjet e fortë e normave bazë të interesit nga Banka Qendrore, të cilat kanë tërhequr sasi të konsiderueshme fondesh në eurozonë.

Kështu që faktorët e mbiccmimit të lekut duhen kërkuar nga zhvillet në tregun e brendshëm. Ekspertët e argumentojnë këtë forcim të lekut me flukset e mëdha të euros që qarkullojnë aktualisht në tregjet financiare shqiptare. Flukset janë të konsiderueshme nga të gjitha drejtimet, nga rritja e eksporteve, nga rritja e ndjeshme investimeve të huaja, nga turizmi, ashtu si dhe nga remitancat.

SCAN

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.