“Më shumë investime në Shqipëri e Rajon” – Apeli i Kryeministrit Edi Rama në samitin e BERZH

Teksa mbahej samiti i BREZH në Londër për investimet në Ballkanin Perëndimor për vitin 2024, kryeministri Edi Rama në fjalën e tij dha sugjerime për investimet në Shqipëri. Ai nënvizoi faktin se Shqipëria ka ndryshuar dhe ka bërë hapa përpara përsa I përket investimeve duke nisur nga energjia.

“Rajoni po ndryshon, bota po ndryshon, Shqipëria ka ndryshuar. Nga një vend me stigmën e një vendi të pasigurt, në një vend që vitin e kaluar ka arritur një shifër prej 10 milionë turistëve. Dallimi para 10 vitesh është se resurset tona po diversifikohen me energji solare dhe energji të erës. Sistemi ynë, i cili ishte gati për tu shkatërruar për shkak se shumica e popullatës nuk paguante faturën, sot ka një pamje tjetër. Çmimi i energjisë elektrike nuk ka ndryshuar edhe në kohën e krizës, ndërsa borxhi publik ka shkuar në një nivel historik, nën 60%” .

Midis tjerave, gjatë fjalës së tij kryeminsitri Edi Rama theksoi rëndësinë e investimeve në Shqipëri. E teksa e pyetën se pse duhet të investojnë në Shqipëri, Rama u përgjigj:

“Një përgjigje e thjeshtë është: Duhet sepse nëse nuk e bëjnë ata, dikush tjetër do ta bëjë. Por për invstitorët, ajo që është e rëndësishme është që kur vijnë në rajon, të mos konkurrojnë në një vend të rajonit për një treg të vogël , por vijnë në një hapësirë sshumë më të mirë ku mundësia është e madhe.”

Banka Europiane për Rindërtim dhe Zhvillim (BERZH) vijoi angazhimin e fortë në Ballkanin Perëndimor edhe gjatë vitit 2023, me investime rekord prej më shumë se 1.63 miliardë euro në 100 projekte, ndërdsa Shqipëria përfitoi rreth 146 milionë euro nëpërmjet 23 projekteve.

Diamila Leka/SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.