Miliona ‘vape’ në mbeturina në Mbretërinë e Bashkuar – Shitësit nuk i riciklojnë dot para hyrjes në fuqi të ndalimit të tyre

Miliona ‘vape’-s mund të hidhen në mbeturina para hyrjes në fuqi të ndalimit të përdorimit e tyre në Mbretërinë e Bashkuar. Kjo pasi shitësit me pakicë dështojnë të riciklojnë numrin e madh të cigareve elektronike. Nëntë nga 10 prodhues dhe shitës nuk e përmbushin detyrën e tyre ligjore për të ndihmuar konsumatorët t’i riciklojnë ato.

Një çerek miliardë ‘vape’ të disponueshëm, mund të hidhen në mbeturina përpara se të hyjë në fuqi një ndalim për përdorimin e tyre në Mbretërinë e Bashkuar vitin e ardhshëm. Kjo pasi shumica e shitësve me pakicë nuk po përmbushin detyrën e tyre ligjore për t’i ndihmuar konsumatorët t’i riciklojnë ato.

Organizata jofitimprurëse Material Focus, e cila kreu studimin, zbuloi se më shumë se nëntë nga 10 prodhues dhe shitës me pakicë të tyre dukej se nuk siguronin ose paguanin për kthimin dhe riciklimin e cigareve elektronike njëpërdorimshe.

Organizata jofitimprurëse shkoi në më shumë se 700 dyqane me pakicë në kërkim të pikave të shitjes duke pyetur nëse mund të riciklohej vapa e tyre, pasi panë produktet e reklamuara për shitje. Edhe pse disa thonë se kanë skema të kthimit, blerësve iu tha se nuk mund t’i merrnin produktet kur i kërkuan.

Material Focus tha se cigaret elektronike me përdorim të vetëm ishin një nga produktet konsumatore më të dëmshme për mjedisin, më të dëmshme dhe të rrezikshme të prodhuara ndonjëherë. Ata vlerësojnë se më shumë se 250 milion ‘vape’ do të hidhen përpara ndalimit të ardhshëm të tyre, që do të zbatohet në vitin 2025.

Shitjet e cigareve njëpërdorimshe në Mbretërinë e Bashkuar tani janë të paktën 360 milion në vit – ekuivalente me sigurimin e litiumit për bateritë e më shumë se 6700 automjeteve elektrike. Kostoja e riciklimit të të gjithë vape-ve të blerë në Mbretërinë e Bashkuar mund të jetë deri në 200 milionë paund në vit.

Vape-t e njëpërdorimshme me përdorim të vetëm kanë një gamë të gjerë ndikimesh mjedisore. Ato përmbajnë gjithashtu disa nga materialet më të çmuara në planetin tonë, si litium dhe bakër, të cilat humbasin përgjithmonë kur hidhen.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.