Nafta, humbje javore prej mbi 3 dollarë – Ndikohet nga Banka e Anglisë dhe nga rënia e kërkesës

Çmimet e naftës po qëndojnë në rënie edhe në sesionin e sotëm dhe pritet të publikojnë humbje javore prej mbi 3%. Rritja e interesave në Mbretërinë e Bashkuar dhe shqetësimet për ngadalësimin e kërkesës në SHBA dhe në Kinë po ushtrojnë presion mbi çmimet.

Nafta Brent e Londrës po tregtohet në rreth 73.5 dollarë për fuçi, ndërsa nafta Bruto amerikane po tregtohet në rreth 69 dollarë për fuçi. Gjithashtu, forcimi i dollarit amerikan ka ndikuar në kërkesën për naftë, pasi i bën lëndët e para të denominuara në monedhën e gjelbër më të shtrenjta për zotëruesit e monedhave të tjera.

Të dyja kontratat ranë me rreth 3 dollarë në sesionin e kaluar, menjëherë pasi Banka e Anglisë rriti normën bazë të interesit me gjysmë pikë përqindje, ndërsa analistët parashikonin një rritje me 25 pikë bazë.

Në Shtetet e Bashkuara të Amerikës, të dhënat zyrtare treguan një rënie surprizë të rezervave gjatë javës së kaluar, kryesisht për shkak të rritjes së eksporteve dhe rënies së importeve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.