Nga korriku, tarifat në autostradat kombëtare në këtë shtet europian do të hiqen!

Kryeministri polak Mateusz Morawiecki njoftoi se qeveria ka miratuar një projektligj që prezanton udhëtimin falas në autostradat polake.

“Ne ndërtojmë autostrada kryesisht për t’u shërbyer njerëzve, jo për të qenë një makinë për të fituar para,” tha Mateusz Morawiecki.

“Portat e hapura do të simbolizojnë më së miri politikën tonë.”

Masa e re është përgatitur nga Ministria e Infrastrukturës në bashkëpunim me Ministrinë e Financave, e cila do të bëjë të mundur ndalimin e mbledhjes së tarifave në autostradat që menaxhohen nga shteti.

Disa nga rrugët e përfshira janë A2 Stryków në Konin, një autostradë 99 km e gjatë dhe A4 Wrocław në Sośnica.

“Unë theksoj heqjen e tarifave në ato autostrada që janë tashmë në përdorim sot dhe ku mblidhen tarifat,” tha Ministri polak i Infrastrukturës Andrzej Adamczyk.

“Autostradat në Poloni nuk do të paguhen”.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.