OPEC+ ul prodhimin deri në fund të 2023 – Rritet me 8% çmimi i naftës, mund të shkojë në 100 dollarë për fuçi

Çmimet e naftës u rritën deri në 8% në hapje pasi OPEC+ njoftoi se po ulte prodhimin me 1.16 milionë fuçi në ditë.

Marrëveshjet e së ardhmes së naftës së papërpunuar Brent u rritën për herë të fundit me 5.07% në 83.95 dollarë për fuçi në bazë të këtij lajmi, dhe çmimet e së ardhmes së naftës së papërpunuar të Teksasit Perëndimor të SHBA u rritën me 5.17% në 79.59 dollarë për fuçi.

Reduktimet vullnetare do të fillojnë nga maji deri në fund të vitit 2023, njoftoi Arabia Saudite, duke thënë se ishte një “masë paraprake” e synuar drejt stabilizimit të tregut të naftës. Ky veprim vjen pas vendimit të Rusisë për të reduktuar prodhimin e naftës me 500 mijë fuçi në ditë deri në fund të vitit 2023, sipas zëvendëskryeministrit të vendit Alexander Novak.

Vendet e tjera anëtare kanë premtuar gjithashtu shkurtime përkatëse, me ‘Kingpin’ të Arabisë Saudite që redukton 500 mijë fuçi në ditë dhe Emiratet e Bashkuara Arabe që reduktojnë 144 mijë fuçi në ditë, mes reduktimeve të tjera nga Kuvajti, Omani, Iraku, Algjeria dhe Kazakistani.

Sipas analistëve përfshirja e përzgjedhur e anëtarëve më të mëdhenj të OPEC + sugjeron që respektimi i reduktimeve të prodhimit mund të jetë më i fortë se sa në të kaluarën. Ata argumentojnë se plani i OPEC+ për një ulje të mëtejshme të prodhimit mund t’i shtyjë çmimet e naftës sërish drejt pikës 100 dollarë, duke marrë parasysh rihapjen e Kinës dhe uljet e prodhimit të Rusisë si një veprim hakmarrjeje ndaj sanksioneve perëndimore. Megjithatë, ulja mund të ndryshojë gjithashtu rënien e inflacionit, gjë që do të “komplikonte vendimet për normat e bankave qendrore”.

Në mars, çmimet e naftës ranë në nivelin e tyre më të ulët që nga dhjetori 2021, pasi tregtarët kishin frikë se prishja bankare mund të dëmtonte rritjen ekonomike globale.

Karteli i naftës dhe aleatët e tij po kërkojnë të shmangin një përsëritje të rrëzimit të vitit 2008, sipas analistëve që shtojnë se Kina mund të përbëjë 40% të rimëkëmbjes së kërkesës në botë në vitin 2023.

Në tetor, karteli i naftës njoftoi vendimin e tij për të ulur prodhimin me dy milionë fuçi në ditë. Shtëpia e Bardhë tha në atë kohë se presidenti Joe Biden ishte “i zhgënjyer nga vendimi dritëshkurtër i OPEC+” për të reduktuar kuotat e prodhimit ndërsa bota ishte ende duke u përballur me luftën në Ukrainë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.