Prezantohen kompjuterët e rinj MacBook Pro dhe iMac – Risia lidhet me çipat e personalizuara të vetë kompanisë Apple

Apple prezantoi kompjuterët e rinj MacBook Pro dhe iMac dhe tre çipa të rinj për t’i fuqizuar ata, me kompaninë që tha se kishte ridizajnuar njësitë e saj të përpunimit grafik, një pjesë kyçe e çipit ku Nvidia dominon tregun.

Kompjuterët e rinj dhe çipat M3, M3 Pro dhe M3 Max u zbuluan në një prezantim online. Laptopi MacBook Pro 14 inç do të fillojë nga 1.599 dollarë dhe një version 16 inç fillon nga 2.499 dollarë. Desktopi i ri iMac me familjen e çipave M3 fillon nga 1.299 dollarë.

Apple po përjeton një rigjallërim në biznesin e saj Mac, me dyfishimin e pjesës së saj të tregut në gati 11% që nga viti 2020 kur u nda me Intel dhe filloi të përdorte çipat e veta të dizajnuara me porosi.

Çipat e personalizuar të kompanisë, të cilat përdorin teknologjinë e dizajnit nga Arm Holdings, që u kanë dhënë Mac-ve të saj jetëgjatësi më të mirë të baterisë dhe, për disa detyra, performancë më të mirë sesa aparaturat që përdorin sistemin operativ Windows të Microsoft.

Apple tha se çipi M3 Max kishte për qëllim zhvilluesit e inteligjencës artificiale, të cilët kanë nevojë për sasi të mëdha memorie për të zhvilluar chatbot dhe modele të tjera.

Çipat e rinj janë të parët për laptopët dhe desktopët që përdorin teknologjinë e prodhimit 3 nanometër, që do t’u japë çipave performancë më të mirë për çdo vat energji elektrike të përdorur.

Apple nuk përmendi se kush i prodhon çipat, por analistët besojnë se është Taiwan Semiconductor Manufacturing, e cila përdor të njëjtën teknologji për të prodhuar çipa për modelet më të larta të iPhone 15.

Drejtuesit e Apple krahasuan performancën e MacBook dhe iMac me versionet më të vjetra Apple me çipa nga Intel, duke treguar ndryshimin e shpejtësisë falë përmirësimit me anë të pajisjeve me çipa të vetë Apple.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.