Punonjës në autobusë për të numëruar njerëzit – Projekti i bashkisë së Tiranës, për 12 muaj do të monitorohen 15 linja

Në një kohë kur situata e urbanëve në kryeqytet prej vitesh vijon të jetë në gjendje të vështirë për shkak të tejmbushjes dhe frekuencës së tyre, Bashkia e Tiranës ka hapur  një tender për monitorimin dhe përmirësimin e këtij sektori.

Ky projekt në bashkëpunim me GIZ Gjerman, me objekt kryesor “Matjet perjodike të pasagjerëve në shërbimin e transportit publik qytetës” do të ketë vlerën e 4.1 milionë lekëve.

Projekti “Transporti i Qëndrueshëm Urban në Tiranë (SUTi)” do të shtrihet në një periudhë 12 mujore të ndarë në disa faza si monitorim I frekuencës së autobusëve, numri I qytetarëve frekuentues dhe kryerja e sondazheve përfundimtar.

Për realizimin e projektit do të ngrihet një grup pune i përbërë nga  1 ekspert, 2 supervizor, 2  monitorues ne Stacion , 1 ekspert IT për monitorimin e 15 linjave ekzistuese në kryeqytet në stacionet përkatëse.Të dhënat do të merren në çdo periudhë kohore – në mëngjes, në mbrëmje dhe në mesditë, duke përfshirë fundjavat.

Grupi i monitoruesëve do të ndahet në dy skuadra: Skuadra 1 do të përbëhet nga tetë survejues të ndarë në dy turne: do të përdorin një program (softuere) anketimi në telefon dhe do të udhëtojë në autobus për të regjistruar numrat e pasagjerëve që hipin dhe zbresin nga autobusi për çdo rrugë. Sondazhi do kryhet nga punonjësit e përcaktuar ku me sy të lirë do të numëroj numrin e personave që hypin dhe zbresin në cdo stacion dhe do ta shkruajnë në program.

Skuadra 2: do t qëndrojë në stacionet e përcaktuara nga Bashkia Tiranë dhe do të bëjë matjet e frekuencave në mënyrë manuale bazuar në një formular ku përcaktohet periudha kohore dhe linja që kalon.

Rezultatet e gjeneruara nga ky proces për transportin qytetës do të jenë: Profilet e linjave, shtrirja dhe vendndodhjet e stacioneve , shpejtësitë e operimit, volumet e hipjes dhe zbritjes në mjetet autobus të secilës linjë qytetës, shkalla mesatare e zënies së kapacitetit të mjeteve autobus, frekuencat e shërbimit.

Përgjatë periudhës 1 vjecare të kontratës kompania fituese duhet të realizojë 4 sondazhe të plota dy javore cdo 3 muaj.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.