Qiradhënësit e avionëve, përballë tregjeve në rrezik – 10 miliardë dollarë dëme pas humbjes së 400 avionëve në Rusi

Kompanitë e dhënies me qira të avionëve, të cilat zotërojnë shumicën e avionëve të pasagjerëve në botë, përballen me një ekuilibër të ndërlikuar midis rreziqeve dhe shpërblimeve pas humbjes së 400 avionëve në Rusi. Por drejtueësit e tyre u shprehën se gjithësesi ato nuk janë tërhequr në rolin e humbësit nga tregjet e mëdha.

Qiradhënësit konfirmuan një humbje prej gati 10 miliardë dollarësh kur Rusia ndaloi linjat ajrore të kthenin avionët e prekur nga sanksionet perëndimore tek pronarët e tyre në Perëndim. Kjo ka kthyer në qendër të vëmendjes tregje të tjera të rrezikshme, më së shumti në Kinë dhe Tajvan, ku disa kanë frikë se konflikti i ardhshëm mund të shkaktojë një konfiskim të ngjashëm në një shkallë shumë më të gjerë.

Robert Korn, president dhe bashkëthemelues i ‘Carlyle Aviation Partners’ u shpreh se do të ketë ndikime afatgjata dhe pasi kjo situatë të zgjidhet. ‘Carlyle Aviation Partners’ zotëron ose menaxhon 415 avionë me vlerë 12 miliardë dollarë. Korn theksoi se do të duhet një kohë mjaft e gjatë që financuesit, qiradhënësit dhe institucionet të ndihen vërtet rehat duke u kthyer në shumë prej këtyre vendeve.

Firmat e leasing-ut, të cilat së bashku financuan më shumë se 60% të dërgesave të avionëve të pasagjerëve globalisht vitin e kaluar, aktualisht janë duke paditur siguruesit në një përpjekje për të rikuperuar humbjet e tyre për shkak të Moskës. Drejtuesit e tyre u ankuan gjithashtu dhe për kostot në rritje të sigurimit. Gjatë diskutimit për humbjet e pësuara në Rusi, shumica e drejtuesve që folën në konferencë, prekën edhe rreziqet e Kinës.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.