‘Receta për fatkeqësi’: Europa përballet me krizë alarmante të mungesës së ilaçeve!

Një studim i kohëve të fundit nga rrjetet e gazetarëve investigativë MIIR dhe EDJNet në vende të zgjedhura të BE-së zbuloi se kohëzgjatja e mungesës së medikamenteve mund të arrijë në 72-130 ditë për produkte të caktuara farmaceutike.

Ilaçet që trajtojnë sëmundjet e sistemit nervor përbëjnë gati një të pestën e të gjitha mungesave të ilaçeve midis 2018 dhe 2023. Trajtimet për komplikacionet kardiovaskulare dhe anti-infektivët për përdorim sistemik përbëjnë mbi një të katërtën e mungesës së tregut.

Ndërsa mungesat e zinxhirit të furnizimit i janë atribuuar kohët e fundit pandemisë COVID-19 dhe luftës në Ukrainë nga media, raporti thekson se mungesat e ilaçeve janë rritur për më shumë se 20 vjet.

Presioni është ngritur mbi Brukselin nga mjekët e përgjithshëm, farmacistët dhe pacientët për të vepruar dhe për të ndaluar përkeqësimin e situatës. Mungesat vendosin një barrë të konsiderueshme për sistemet shëndetësore dhe profesionistët dhe ndikojnë në cilësinë e jetës së pacientëve.

Komisioneri Europian për Shëndetësinë e trajtoi këtë çështje duke propozuar Reformën Farmaceutike të Komisionit Europian. Ajo shpreson të monitorojë ilaçet thelbësore, në mënyrë që të jetë në gjendje të adresojë dobësitë e zinxhirit të furnizimit.

Koordinimi me kompanitë farmaceutike gjithashtu po vendoset në vijë. Ideja pas kësaj është miratimi i një plani emergjence. Kompanitë mund të njoftojnë mungesat e mundshme shumë më herët.

Padurimi i europianëve po zien ndërsa Europa përballet me mungesën e ilaçeve. Se sa do të zgjasin çështje të tilla të furnizimit varet nga efikasiteti i strategjisë së reagimit të Brukselit.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.