Starton reality show “Shopping Time” në SCAN TV – Nga e hëna në të premte nën drejtimin e moderatores Jenida Vladi

Ka startuar në SCAN TV emisioni më i ri për të gjitha femrat dhe meshkujt që kanë passion modën, reality show SHOPPING TIME, nën drejtimin e moderatores Jenida Vladi.

Nga e hëna në të premten në orën 18:00 dhe të dielën në orën 20:00 Scan TV, pjesë e Balfin Group sjell formatin më të ri televiziv dedikuar stilit në të cilin çdo javë konkurentët sfidojnë veten në artin e blerjes.

Shopping time nuk ka kufizim në moshë dhe profesion duke ftuar kështu çdo person që ka passion stilin dhe modën të marrin pjesë.

Kandidatët paraqesin stilin e tyre dhe përjetojnë një përvojë të veçantë shopping në ambiente dhe rrethana surprizë që përcakton Produksioni. Të 5 personazhet vendosen në të njëjtën rrethanë. Të zgjedhin veshjet në subjekte të përcaktuara nga Produksioni, të zgjedhin aksesorë, të kujdesen për flokët dhe Make up-in. Përmes veshjes që përzgjedhin konkurentëve/eve ju jepet mundësia të flasin, duke iu përmbajtur 3 kritereve bazë që janë: koha, tema e javës dhe buxheti.

Por jo vetëm kaq, surprizat në këtë reality shoë nuk kanë të munguar. Ekspertët e  modës më në zë në Shqipëri dhe në rajon përzgjedhin fituesin e javës, pa cënuar kriteret sfiduese të produksionit.

Pas një gare gjatë ditëve të javës, konkurentët përballen në finale të dielën mbrëma për një fitues të vetëm i cili do të përfitojë një kupon prej 200 eurosh për të shpenzuar për të blerë veshje. Shopping Time ka për qëllim të shkojë përtej argëtimit, duke shërbyer si dritarja e kujtdo që dëshiron të mësojë si të përshtasë veshjen për takime/evente të jetës së përditshme, pa shpenzuar shuma marramendëse.

Shopping Time vetëm në Scan Tv nga e Hëna në të Premte në orën 18:00 dhe të dielën në orën 20:00.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.