Transport publik falas në Spanjë – Skema, në fuqi deri në fund të vitit, do i kushtojë buxhetit të shtetit 221 milionë euro

Me inflacionin afër niveleve rekord prej mbi 10% në bazë vjetore, qeveria socialiste në Spanjë shpreson të lehtësojë shpenzimet e jetesës dhe të inkurajojë më shumë njerëz të përdorin transportin publik duke u ofruar atyre leje mujore falas për të gjitha rrugët ndërqytetëse lokale dhe të mesme duke nisur nga e enjtja. Udhëtimet në distanca të gjata dhe biletat e vetme janë të përjashtuara.

Pothuajse gjysmë milioni persona kanë para porositur tashmë kartat e transportit falas dhe operatori hekurudhor shtetëror Renfe pret që skema, në fuqi deri në fund të vitit, të rezultojë në 75 milionë udhëtime hekurudhore falas.

Një qytetare u shpreh se do të donte që kjo masë të ishte e përhershme sepse do t’i bënte gjërat më pak të shtrenjta dhe mund të lëvizje më shumë. Gjithsesi, ajo pritet të kursejë 80-90 euro në muaj

Gjermania ka promovuar një nismë të ngjashme, duke filluar në qershor dhe përfunduar në shtator, që ishte një sukses i madh dhe reduktoi bllokimet e trafikut në qytetet kryesore.

Skema spanjolle, e cila përfshin edhe ulje për llojet e tjera të transportit publik, do të kushtojë 221 milionë euro. Është pjesë e paketës së fundit të ndihmës për të zbutur rritjet e çmimeve, miratuar në qershor, me një vlerë totale prej 9.5 miliardë euro, duke përfshirë uljen e tatimit mbi vlerën e shtuar dhe përjashtimet e Sigurimeve Shoqërore.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.