Tregjet europiane zgjerojnë fitimet – Mbështetet nga të dhënat që sugjerojnë ngadalësim të çmimeve në SHBA

Bursat europiane janë hapur në rritje edhe në sesionin e sotëm, pasi investitorët i kanë mirëpritur të dhënat mbi inflacionin në SHBA dhe të dhënat e tjera që sugjerojnë një ngadalësim të rritjes së çmimeve. Indeksi pan-Europian STOXX 600 e ka nisur ditën në rritje me 0.2%, ndërsa shumica e sektorëve janë në territor pozitiv.

Në këtë mënyrë, bursat europiane po publikojnë fitime për të katërtin sesion me radhë. Indeksi i Çmimeve të Prodhimit në SHBA, që është çmimi i paguar nga kompanitë dhe ofron një tregues të mirë të ecurisë së inflacionit konsumator, ra me 0.5% gjatë marsit, krahasuar me shkurtin.

Gjithashtu, investitorët po presin edhe sezonin e fitimeve tremujore të korporatave, që do të startojë më vonë gjatë ditës së sotme, me kompanitë amerikane si JPMorgan, Wells Fargo dhe Citi.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.