Tregjet europiane zgjerojnë humbjet – Investitorët, të shqetësuar për shëndetin e sistemit bankar

Bursat europiane janë hapur në rënie edhe në sesionin e sotëm, pasi në sipërfaqe kanë dalë sërish shqetësimet mbi shëndetin e sistemit bankar global. Indeksi pan-Europian Stoxx 600 e ka nisur ditën në rënie me 0.5%, ndërsa sektori i teknologjisë realizon humbjet më të mëdha, në rënie me 1.3%.

Për sa i përket korporatave, banka britanike Standard Chartered raportoi një rritje të fitimeve me 21%, përpara taksave. Por, pavarësisht kësaj, aksionet e bankës ranë me rreth 0.5% në hapje të tregtisë së sotme.

Edhe shumica e tregjeve aziatike patën një tendencë në rënie, gjatë sesionit të sotëm. Ndërkohë, banka amerikane First Republic Bank ra me rreth 50% në sesionin e kaluar, pasi raportoi një rënie të nivelit të depozitave me rreth 104 miliardë dollarë, në tremujorin e parë të këtij viti.

Sektori iu teknologjisë po realizon humbje të konsiderueshme gjatë këtij viti, për shkak të problemeve me furnizimin. Gjatë ditës së sotme, investitorët po presin edhe Prodhimin e Brendshëm Bruto në Itali, për tremujorin e parë të këtij viti, dhe besimin konsumator në Gjermani.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.