Tregtimi i energjisë në bursën Alpex – Nga nisja e operimit janë tregtuar rreth 900 mijë mWh, çmimi mesatar 99.94 euro/ mWh

Rreth 900 mijë mWh energji janë tregtuar në Bursën Shqiptare të Energjisë lektrike ALPEX, që nga nisja e operimeve në prill të vitit të kaluar. Sipas të dhënave të përpunuara nga TV SCAN çmimi mesatar me të cilin është tregtuar energjia arrin në 99.94 euro/ mWh, teksa sasia mbetet modeste në raport me energjinë që blihet dhe shitet jashtë këtij instrumenti të tregut energjetik.

Sipas raporteve të ALPEX volume kanë qenë tuajse në të njëjtët niveleve çdo muaj, ndërkohë që rritja e sasive në vijim është konsideruar një nga sfidat e bursës.

Kjo edhe sipas Sekretariatit të Komunitetit të Energjisë, që pak ditë më parë teksa mirëpriti bashkimin e tregjeve mes Shqipërisë dhe Kosovës, deklaroi se likuiditeti në bursë, që lidhet me numrin e kompanive të anëtarësuar dhe volumin e energjisë të tregtuar për periudhën afatshkurtër mbetet një sfidë.

Aktualisht, numri i kompanive që mund të kryejnë transaksione të shit –blerjes për 2 zonat ofertuese të Shqipërisë dhe Kosovës është 21. Nga Shqipëria janë listuar në total 17 kompani, 12 prej të cilave janë private dhe 5 publike.

Ndërkohë, sa i takon Kosovës numri i kompanive të listuara ka shkuar në 4. Funskionimi i bursës paraqet një sërë avantazhesh, që lidhen me çmimet konkurruese, si dhe ofron një sinjal transparent të çmimeve për investime në energji.

Ola Mitre/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.