Uiski do të ndihmojë në prodhimin e karburantit! – Skocia është një hap përpara në realizimin e projektit
Shkencëtarët në Universitetin Heriot-Watt të Skocisë kanë zhvilluar një material që mund të kthejë miliarda litra ujëra të ndotur nga distileritë e uiskit në hidrogjen të gjelbër, që është një lëndë djegëse ekologjike dhe nuk prodhon dioksid karboni gjatë djegies.
Sipas llogaritjeve duhen nëntë litra ujë për të prodhuar një kilogram hidrogjen të gjelbër dhe çdo litër uiski i maltit krijon rreth 10 litra mbetje. Hulumtimi u fokusua në mënyrën se si të largohen materialet e mbeturinave nga kjo mbetje dhe të përdoren për të prodhuar hidrogjen të gjelbër.
Një ekip shkencëtarësh ka zhvilluar një nanogrimcë të quajtur selenid nikeli që prodhon të njëjtën sasi të hidrogjenit të gjelbër nga ujërat e ndotur të distilerisë si nga uji i pastër i freskët.
Hulumtimi tregon se si mund të përdoren burimet e botës për të prodhuar energji në një mënyrë të qëndrueshme mjedisore dhe për të reduktuar konsumin e ujit të pastër për të prodhuar hidrogjen të gjelbër.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.