Vendimi i parë i këtij lloji i KE-së në sektorin e mbrojtjes: Kompania e granatave të dorës gjobitet me 1.2 milionë euro!

Rasti është vendimi i parë i kartelit të Komisionit Europian në sektorin e mbrojtjes. Komisioni Europian ka dënuar kompaninë gjermane të mbrojtjes Diehl me një gjobë prej 1.2 milionë euro për pjesëmarrjen në një kartel të lidhur me shitjen e bombave të dorës ushtarake, rasti i parë i kartelit në sektorin e mbrojtjes.

Komisioni tha në një deklaratë se Diehl u bashkua me rivalin e saj RUAG, një kompani zvicerane e hapësirës ajrore dhe mbrojtjes, për të ndarë tregjet në vendet në të gjithë Zonën Ekonomike Europiane (EEA) mes tyre për gati 14 vjet.

Sipas skemës, vetëm prodhuesi i caktuar lejohej të shiste granata në një territor të caktuar, përveç rastit nëse kompania tjetër jepte pëlqimin e saj.

Komisioni tha të enjten se të dyja kompanitë kishin pranuar rolin e tyre në kartel dhe se RUAG shmangi një gjobë në kuadër të programit të saj të faljes ose zbutjes së dënimit, i cili u mundëson bizneseve që ofrojnë informacion të mjaftueshëm në lidhje me një kartel në të cilin kanë marrë pjesë, të marrin imunitet të plotë ose të pjesshëm nga gjobat.

Nëse RUAG nuk do të kishte zbuluar skemën, do të ishte përballur me një dënim prej 2.5 milionë euro, tha Komisioni, duke shtuar se Riehl u kualifikua për një ulje të gjobës prej 50% falë bashkëpunimit të saj në hetimin që pasoi, dhe një reduktim të mëtejshëm prej 10% për kohën e duhur të bashkëpunimit të saj.

Sipas Komisionit, hetimi zbuloi se karteli mbulonte vendet në të gjithë ZEE-në dhe shtrihej nga 7 nëntori 2007 deri më 23 nëntor 2021. Pjesëmarrja e RUAG përfundoi pak më herët në prill 2021.

Komisioneri Europian i Drejtësisë Didier Reynders vuri në dukje në një deklaratë se rasti është vendimi i parë i Komisionit për kartelin në sektorin e mbrojtjes.

“Në një kohë të realiteteve gjeopolitike në zhvillim, është gjithashtu një kujtesë se ne nuk do të tolerojmë asnjë kartel në asnjë sektor, strategjik apo jo,” tha ai.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.