13.4 miliardë metra kub gaz nga ankandi i parë i përbashkët – Ofertat nga 25 kompani ndërkombëtare, tejkalohet kërkesa kolektive

Ankandi i parë për blerjet e përbashkëta të gazit nisur nga Bashkimi Europian javën e kaluar përfundoi me oferta për rreth 13.4 miliardë metra kub dhe furnizime nga 25 operatorë ndërkombëtarë.

Lajmi është konfirmuar nga nënkryetari i komisionit europian, Maros Sefcovic, duke theksuar “përgjigjen pozitive të tregut”.

Ofertat tejkaluan kërkesën agregate të ‘Twenty-Seven’ e cila arriti në rreth 11.6 miliardë metra kub gaz. Sefcovic theksoi se ky nuk është asgjë më pak se një sukses i jashtëzakonshëm. Ai shtoi se kjo tregon se kishin të drejtë që përdorën forcën kolektive për të mbushur rezervat për dimrin e ardhshëm.

Ndërkohë çmimet e energjisë vazhdojnë të bien, por kriza e vitit 2022 ka lënë ‘plagë ‘që po përpiqen të shërohen. Shumë operatorë – të djegur nga paqëndrueshmëria ekstreme, e cila ka shpërthyer marzhet tregtare – janë larguar nga bursat e rregulluara, duke pranuar të ekspozohen ndaj rreziqeve të larta për të frenuar shpenzimet. Strategjitë e mbrojtjes në disa raste janë reduktuar, në të tjera ato janë bërë shumë më pak “të sigurta” në rast të falimentimit të palës.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.