“Britania nuk po shkon më drejt një recesioni” – Sipas FMN, shkak është rënia e çmimit të energjisë dhe normalizimi i furnizimit global

Fondi Monetar Ndërkombëtar nuk pret më që ekonomia e Britanisë të bjerë në recesion këtë vit, ndërkohë që përmirësoi dhe parashikimet e publikuara muajin e kaluar dhe paralajmëroi se perspektiva mbetet e ndrydhur.

FMN tha se produkti i brendshëm bruto britanik tani duket i vendosur të rritet me 0.4% në 2023 – shin. Në prill, u parashikua një tkurrje prej 0.3%, perspektiva më e dobët e çdo ekonomie të madhe.

FMN tha se perspektiva e përmirësuar pasqyronte elasticitetin e papritur të kërkesës, e ndihmuar pjesërisht nga rritja më e shpejtë se zakonisht e pagave, shpenzimet më të larta të qeverisë dhe besimi i përmirësuar i biznesit. Rënia e kostove të larta të energjisë dhe normalizimi i zinxhirëve të furnizimit global ndihmuan gjithashtu.

Gjithësesi në deklaratën e FMN-së thuhej se aktiviteti ekonomik në vend është ngadalësuar ndjeshëm nga viti i kaluar dhe inflacioni mbetet i lartë pas goditjes së rëndë të kushteve të tregtisë për shkak të luftës së Rusisë në Ukrainë dhe, deri në një farë mase, ofertës së punës që u dëmtua nga pandemia,” shtoi ai.

Inflacioni britanik ka të ngjarë të bjerë në rreth 5% deri në fund të këtij viti nga më shumë se 10% në mars dhe duhet të kthehet në objektivin e tij prej 2% deri në mes të 2025 – ës, gjerësisht në përputhje me parashikimet e Bankës së Anglisë më parë këtë muaj.

Ekonomia ka të ngjarë të rritet me 1% në 2024 dhe 2% në dy vitet në vijim, përpara se të kthehej në një normë rritjeje afatgjatë prej rreth 1.5%, sipas parashikimeve të FMN – së.

Potenciali i rritjes së Britanisë mund të përmirësohet me masa për të trajtuar ndikimin e sëmundjeve afatgjata në fuqinë punëtore dhe duke reduktuar pasigurinë e politikave dhe rregullatore që dëmtuan investimet e biznesit, shtoi FMN.

Banka e Anglisë ka rritur kostot e huamarrjes në 12 takime radhazi, duke i çuar normat në 4.5% këtë muaj dhe tregjet financiare parashikojnë rritjen e tyre deri në 5% më vonë këtë vit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.