Bursat e nisin javën me ndryshime të vogla – Aksionet e Bayer bien me 19%, dështon me një ilaç kundër mpiksjes

Bursat europiane e kanë nisur në kujdes këtë javë, pas fitimeve të realizuara javën e kaluar. Indeksi pan-Europian Stoxx 600 po qëndron në rënie të lehtë me 0.1%, ndërsa sektori i kujdesit shëndetësor kryeson humbjet, në rënie me 0.9%.

Prodhuesi gjerman i farmaceutikës, Bayer ra me më shumë se 19% në mëngjesin e sotëm, pasi të dielën në mbrëmje njoftoi se i kishte ndaluar provat e një ilaçi të ri kundër mpiksjes së gjakut, për shkak të “mungesës së efikasitetit”.

Referuar zhvillimeve të tjera, inflacioni në Mbretërinë e Bashkuar u ngadalësua në 4.6% gjatë tetorit, nga 6.7% që ishte në shtator. Ndërsa në Eurozonë, inflacioni u konfirmua në 2.9% muajin e kaluar, nga 4.3% që ishte në shtator. Edhe në Shtetet e Bashkuara, inflacioni rezultoi më i ulët se parashikimet e analistëve, duke shtuar pritshmëritë se Rezerva Federale mund t’i këtë dhënë fund ciklit të rritjes së interesave.

Edhe shumica e tregjeve aziatike patën një tendencë në rritje, ndërsa bursa e Japonisë u ngjit në nivelin më të lartë në 33 vitet e fundit. Ndërkohë, Banka Qendrore në Kinë i mbajti normat e kredisë 1-vjeçare dhe 5-vjeçare në 3.45% dhe 4.2% për muajin nëntor. Ndër zhvillimet e tjera, aksionet e gjigantit kinez të tregtisë elektronike, Alibaba ranë ndjeshëm, pasi kompania hoqi dorë nga planet për t’u shkëputur dhe për të listuar biznesin e saj në “cloud”.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.