Dëmi global i thatësirës arriti në 13.2 miliardë dollarë në gjysmën e parë të vitit – 2022 më problematiku në 500 vitet e fundit
Ekspertët besojnë se viti 2022 do të jetë thatësira më e keqe në 500 vitet e fundit.
Dëmet globale nga thatësira në shumë vende të planetit në periudhën janar-qershor arritën në të paktën 13.2 miliardë dollarë, raportoi gazeta ekonomike Nikkei, duke cituar llogaritjet e divizionit lokal të kompanisë ndërkombëtare të sigurimeve Aon.
Sipas ekspertëve, vendet e Bashkimit Evropian janë goditur tani nga thatësira më e keqe në 500 vitet e fundit. Gjithashtu është ndjerë në Shtetet e Bashkuara perëndimore, Pakistan dhe Kinë.
Në Kinë, për shkak të cekëtimit të lumenjve, prodhimi i energjisë elektrike në një numër hidrocentralesh ra me pothuajse 40%, pohon gazeta.
Në provincën e Sichuan, për shkak të kësaj, në veçanti, fabrika e montimit të Toyota Motor Corporation u ndal përkohësisht.
Më herët në qershor, ekspertë nga Instituti Kombëtar për Studimet Mjedisore të Japonisë dhe Universiteti i Tokios publikuan një raport duke argumentuar se nga mesi i këtij shekulli, thatësira e verës nuk do të jetë përjashtim, por normë për shumë zona, duke përfshirë bregdetin e Mesdheut dhe shumë zona të Amerikës së Jugut.
N.Xh / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.