Djegia e tokave bujqësore, humbje ekonomike – Gjoka: Prek financat e fermerëve. Lushaj: Dëme të mëdha edhe në mjedis

Rreth 40% e zjarreve në pyje e kanë zanafillën prej djegies së tokave bujqësore, ndërkohë që dëmet në ekonomi e mjedis si pasojë e këtij aktiviteti janë të shumta.

Profesorët e Universitetit Bujqësor të Tiranës kanë ngritur shqetësimin për këtë fenomen, që rritet gjatë sezonit veror, duke theksuar se dëmet janë thuajse të pakthyeshme.

Gjithashtu, ky fenomen kërcënon seriozisht biodiversitetin, shkakton erozion të fuqishëm të tokës dhe rrit koston e prodhimit bujqësor për shkak të humbjeve të lëndeve ushqyese në tokë si pasojë e zjarreve.

Proferorët kërkuan më shumë veprime nga institucionet shtetërore, duke shtuar se kësaj situate u shtohen edhe problemet nga ndryshimet klimatike, që tashmë janë prezente edhe në Shqipëri.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.