Dollari, në nivelin më të ulët në një javë – Presidentja e BQE, Lagarde sinjalizon rritjen e interesave në takimin e ardhshëm

Dollari amerikan po qëndron në rënie edhe në sesionin e sotëm, duke prekur nivelin më të ulët në 1 javë, përballë monedhave kryesore ndërkombëtare. Njëkohësisht, monedha e gjelbër pritet të realizojë performancën më të keqe javore që nga mesi i janarit, për shkak se janë shtuar mundësitë që Rezerva Federale të mos rrisë normën bazë të interesit në takimin e ardhshëm.

Ndërkohë, senati amerikan e kaloi projektligjin për të pezulluar tavanin e borxhit, duke shmangur rrezikun e një falimentimi. Indeksi që mat ecurinë e dollarit amerikan, përballë shportës me 6 monedhat kryesore ndërkombëtare po qëndron në rreth 103.5, ndërsa në sesionin e kaluar ra me 0.6%.

Gjatë kësaj jave, ky indeks ka rënë me 0.7%. Presidenti i Rezervës Federale të Philadelphia-s, Patrick Harker deklaroi se është koha që banka qendrore të “shtypë butonin stop”, duke ju referuar mundësive për rritjen e interesave në takimin e 13 dhe 14 qershorit.

Ndërkohë, euro është ngjitur në nivelin më të lartë në 1 jave dhe po tregtohet në rreth 1.077 dollarë, pasi presidentja e Bankës Qendrore Europiane, Christine Lagarde, sinjalizoi se politika monetare shtrënguese do të vijojë sepse inflacioni është në nivele të larta. në tregun e kriptomonedhave, bitcoin po tregtohet në rreth 27,100 dollarë, ndërsa ethereum po tregtohet në rreth 1890 dollarë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.