Dominimi i gjelbër i Kinës – Investimet në teknologjinë e pastër u rritën me 40%, në 890 miliardë dollarë

Një luftë tregtare midis Kinës dhe Perëndimit për mallrat e gjelbra nuk është e përshtatshme për të luftuar ndryshimet klimatike, por mund të ngadalësojë ngrohjen globale. Ndërsa Pekini përmbyt botën me mallra të lira ‘të gjelbëra’, vendet e pasura dhe disa vende në zhvillim do të vendosin barriera tregtare.

Tranzicioni i energjisë do të vonohet sepse ata do të paguajnë më shumë për teknologjinë e pastër. Megjithatë, bollëku i automjeteve elektrike, paneleve diellore, baterive dhe produkteve të tjera të ngjashme do ta përshpejtojë atë diku tjetër. Në teori, mënyra optimale për të mbajtur planetin nga djegia do të ishte vendosja e një çmimi të lartë për dioksidin e karbonit – CO2. Ndërkohë, çdo shtet dëshiron një pjesë të industrive të gjelbra me rritje të shpejtë.

Kina tashmë dominon ‘tre industritë e reja’, fotovoltaikët, automjetet elektrike dhe bateritë. Kjo i atribuohet subvencioneve, prodhimit të mirë dhe ekonomisë së zhvilluara. Investimet kineze në teknologjinë e pastër u rritën me 40% vitin e kaluar, në 890 miliardë dollarë. Çmimi i paneleve diellore ra me 42% vitin e kaluar dhe 50% ai i baterive. Kina eksportoi prodhim të tepërt në panele diellore, duke mbajtur 88% të tregut jashtë kufijve të saj.

I njëjti proces tani po fillon me bateritë, të cilat kishin 28% të tregut jashtë Kinës vitin e kaluar dhe automjetet elektrike, të cilat kishin 11%. Vendet e tjera, të cilat më parë humbën industritë e çelikut, aluminit dhe diellit në Kinë, po reagojnë më shpejt tani. Koreja e Jugut dhe Japonia janë gjithashtu të shqetësuara, si dhe vendet e industrializuara në zhvillim, Turqia, India dhe Brazili.

Pika më e fortë e përballjes do të jetë midis Uashingtonit dhe Pekinit. Subvencionet e gjelbra të Uashingtonit dhe tarifat ekzistuese 27.5% për importet e makinave kineze mund të mos jenë të mjaftueshme për të ndaluar një fluks automjetesh nga Kina. Ndërkohë, një bollëk automjetesh elektrike kineze, panele diellore dhe bateri do të nxiste kalimin në një ekonomi me emetim të ulët në pjesën tjetër të botës.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.