Euro vijon forcimin përballë dollarit – Yellen siguron tregjet se SHBA nuk do të ndërhyjë për të dobësuar dollarin
Euro është forcuar lehtë përballë dollarit amerikan edhe në sesionin e sotëm, duke u ngjitur në mbi 0.98 dollarë, niveli më i lartë që nga 6 tetori. Megjithatë, investitorët po e cilësojnë si një sesion pauze dhe në fokus do të jetë jeni japonez, që është zhvlerësuar deri në 149 në rapor me monedhën e gjelbër.
Analistët presin tashmë një tjetër ndërhyrje nga autoritetet në Japoni për të mbështetur monedhën. Indeksi që mat ecurinë e dollarit amerikan përballë gjashtë monedhave kryesore ndërkombëtare po qëndron në nivelin më të ulët në 10 ditët e fundit, pas një kthesa dramatike 180 gradë të qeverisë në Mbretërinë e Bashkuar në lidhje me planin për uljen e taksave.
Ndërkohë, Sekertarja amerikane e Thesarit, Janet Yellen, e bëri të qartë se nuk do të ndërhyjë në tregje dhe forcimi i dollarit amerikan është një rezultat natural i hapave të ndryshëm që kanë ndjekur bankat qëndrore me rritjen e interesave. Në tregun e kriptomonedhave, bitcoin po tregtohet në rreth 19,600 dollarë, ndërsa ethereum po tregtohet në rreth 1330 dollarë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.