Inteligjenca artificiale do të sjellë globalizim të ri – Sektorë si mjekësia dhe shëndetësia do të forcohen më shumë

Rendi i gjërave përmes inteligjencës artificiale, i cili ka një ndikim të rëndësishëm si në hartën gjeopolitike ashtu edhe në globalizim, është gati të ndryshojë, siç parashikohet nga Ian Bremer, analist politik dhe president i grupit të ekspertëve ‘Eurasia Group’. Ai theksoi se inteligjenca artificiale do të transformojë rendin gjeopolitik në mënyra pozitive dhe negative.

Ndër pozitivet, Bremer përfshin faktin se IA do të sjellë “një globalizim të ri”. Kjo teknologji e re mund të forcojë krijimin dhe zhvillimin e një klase të re të mesme globale. Sipas tij gjithcka që duhet është një telefon inteligjent dhe aksesi në ‘të, duke vlerësuar se kjo do të rrisë kapitalin njerëzor në mbarë botën. Fushat si mjekësia dhe shëndetësia do të forcohen, ndërsa proceset industriale dhe shkencore do të bëhen më efikase.

Pavarësisht kësaj, ai nuk iu shmang referimit të rreziqeve, madje duke paralajmëruar se bota është e papërgatitur për t’u përballur me to. Për shembull, çdokush mund të përdorë IA për të shkruar kode, por mund ta përdorë atë gjithashtu për të hakuar sisteme ose për të krijuar ‘malware; për kompjuterët. Prandaj, në mjekësi, mund të përdoret për të zhvilluar vaksina, por edhe viruse. Kjo do të thotë që qeverisja dhe menaxhimi i përgjithshëm i IA duhet të vijë si nga qeveritë ashtu edhe nga kompanitë teknologjike.

Ai theksoi se liderët politikë janë të shqetësuar për faktin se inteligjenca artificiale mund të ketë pasojat e saj jo të mira në në ekonominë globale, sigurinë kombëtare dhe sistemin politik. Vende të tilla si Kina, SHBA dhe Britania e Madhe, si dhe koalicionet ndërkombëtare si Bashkimi Europian dhe G7, po mësojnë për inteligjencën artificiale, duke ekzaminuar atë që ata dinë dhe nuk dinë, dhe duke studiuar rolin që po luajnë kompanitë e teknologjisë.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.