Islandë, turizmi rekord shkakton krizë strehimi – Zhvendosje masive e pronarëve drejt qirave afatshkurtëra nëpërmjet Airbnb

Mbipopullimi, ndotja akustike, por mbi të gjitha kriza e banesave janë efektet anësore më të zakonshme dhe më të njohura të turizmit masiv, i cili ofron flukse valutore, por prek banorët e destinacioneve më të njohura dhe shpesh shkakton protestat e tyre të koordinuara. Dhe më e keqja nga të gjitha efektet anësore të hiperturizmit është kriza e banesave, pas zhvendosjes masive të pronarëve të pronave drejt qirave afatshkurtra nëpërmjet Airbnb, e cila jo vetëm ka çuar në rritje qiratë, por mbi të gjitha ka tërhequr një përqindje të madhe të banesave nga tregu i qirave. Nga Venecia në Amsterdam dhe Berlin, problemi i mungesës së banesave të përballueshme mundon banorët dhe shqetëson autoritetet.

Një rast ekstrem i një vendi që investon maksimalisht në turizëm, por në të njëjtën kohë përballet me pasojat e tij më të rënda, Islanda magjike, një vend i vogël pak më i madh se Irlanda, i cili gjatë vitit të kaluar priti 2.2 milionë vizitorë, gjashtë herë më shumë sesa banorët e saj. Rrugët e Reykjavikut janë plot jetë pavarësisht dimrit të rëndë, ndërsa në qendrën historike të qytetit turistët bëjnë fotografi të peizazheve të tij të frikshme.

Vendi nordik po përjeton një aktivitet të paprecedentë ekonomik, me restorantet dhe hotelet e tij që bëjnë biznes të artë, ndërsa me rritjen e turistëve shtohen edhe vendet e punës, duke i sjellë prosperitet vendit i cili deri në vitin 2022 ka pësuar rritje mbi 3% të popullsisë. Ajo i është kthyer turizmit që nga kolapsi katastrofik i sistemit të saj bankar në vitin 2008, kur bankat e saj humbën 100 miliardë dollarë dhe monedha e saj u shemb. Nga viti i ardhshëm, ishulli dikur i shtrenjtë u bë i aksesueshëm për vizitorët dhe linjat ajrore filluan të ofronin bileta të lira për të interesuarit.

Kështu, nisur nga prosperiteti që i ka sjellë turizmi, Islanda aspiron të rrisë më tej ardhjet e turistëve në 2.5 milionë njerëz në dy vjet. Por çmimi i kësaj rritjeje mbresëlënëse paguhet nga 400.000 banorët e saj, të cilët luftojnë për të gjetur strehim pasi shumica e shtëpive dhe apartamenteve janë në dispozicion të turistëve dhe disponueshmëria e banesave për banorët është vazhdimisht në rënie.

Në rajonin e kryeqytetit, pothuajse 8% e apartamenteve dhe shtëpive janë të regjistruara në platformën Airbnb. Nga viti 2019, për më tepër, të paktën gjysma e apartamenteve në disa zona qendrore tani janë të rezervuara për përdorim turistik, ndërsa mbi 2/3 e atyre të regjistruara në Airbnb ishin më parë të disponueshme me qira për banorët e vendit.

Në përpjekjen e saj për të trajtuar problemin, qeveria premtoi vitin e kaluar të ndërtojë 4.000 apartamente në vit për pesë vitet e ardhshme. Gjithsesi vlerësohet se nevojiten 5000 apartamente në vit, ndërkohë që deri tani raporti është zhgënjyes pasi vetëm 2800 pritet të përfundojnë në vitin e parë të programit në fjalë në janar.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.