Kaosi në fluturime: Gjermania kërkon 2 mijë punëtorë të huaj

Gjermani po kërkon 2 mijë punëtorë të huaj që të lehtësojnë mungesën e personelit në aeroportete e vendit, që ka shkaktuar kaos në fluturime. Pjesa më e madhe e tyre do të vijnë nga Turqia dhe do të paguhen njësoj si kolegeët gjermanë

Qeveria federale e Gjermanisë mund të autorizojë hyrjen në vend të punëtorëve të huaj – të përkohshëm – që do të punësohen në aeroportet e vendit për të zbutur mungesën e personelit që ka shkaktuar kaos në fluturime këto javët e fundit. Kërkesa ëhstë bërë nga vetë aeroportet gjermane nëpërmjet shoqërisë gjermane të aeroporteve.

Në mënyrë të vecantë që nga fundi i muajit maj aeroportet gjermane kanë qenë në kaos me rradhë shumë të gjata në momentin e check-in, por dhe në pikat e kontrollit. Probleme janë regjistruar dhe në tërheqjen e bagazheve ku me qindra valixhe kanë ardhur me shumë vonesë. 2 mijë të punësuarit me kohë të caktuar nuk do të fillojnë punë menjëherë pasi më arë duhet të trajnohen në mënyrë q ëtë kenë licensën e duhur për rolin që do të mbulojnë. Pjesa më e madhe e tyre pritet të vijë nga Turqia dhe do të paguhen njësoj sa kolegët gjermanë. Shteti gjerman po impenjohet për të përshpejtuar lejet e përkohshme të hyrjes në vend, qëndrimit dhe punës

Ky vendim merret pas kërkesave disa javore me arsyetimin se përderisa po kërkohen punëtorë nga jashtë do të thotë se asnjë gjerman nuk pranon të mbulojë atë rol

Por situata është krijuar si pasojë e reduktimit të personelit për dy vite rradhazi për shkak të pandemisë. Por probleme të tilla nuk ka vetëm në Gjermani pasi epiqendra e kaosit tashmë është në aeroportet londineze të Heathrou e Gatuick dhe në atë holandez të Amsterdam. Rradhë të gjata janë regjistruar dhe në Danimarkë e Suedi. Rikthimi i volumit të verës 2019 ka gjetur të papërgatitur transportin ajror. Në qershor janë anuluar të paktën 11 mijë fluturime vetëm në Europë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.