Lufta, “raketat iraniane godasin” tregun e kriptomonedhave – Bitcoin humbet 12% të vlerës për shkak të sulmeve në Lindjen e Mesme

Raketat që u përdorën nga Irani për të sulmuar shtetin Izraelitë duket se ka goditur edhe tregun e kriptovalutave por jo vetëm. Bitcoin, kriptovaluta më e madhe pësoi një rënie me gati 12% brenda pak minutash.

Përpara 300 raketve të dërguara nga Irani kundrejt vendit Izraelitë, bitcoin po këmbehej me 70 mijë dollaë. Kriptovaluta më e madhe direkt pas sulmit shënoi një rënie ku preku vlerën e 62 mijë dollarëve.

Pas kësaj Bitcoin filloi të rikuperonte sadopak nga vlera që humbi ku momentalisht po lundron pranë nivelit të 66 mijë dollarëve.

Sipas të dhënave të publikuara nga Crypto Markets, edhe vlera e tregut global të kriptove ra me 8.19%. Analistët financiarë thonë se përshkallëzimi i tensioneve në Lindjen e Mesme ka krijuar pasiguri dhe ndjenjë rreziku tek investitorët, gjë që ka çuar në një rritje të shitjeve në tregun e monedhave dixhitale.

Sipas IRNA, Korpusi i Gardës Revolucionare Islamike të shtunën njoftoi se me qindra dronë dhe raketa u gjuajtën dhe goditën territoret dhe pozicionet ushtarake të regjimit sionist.

Kujtojmë që bitcoin realizoi vlerën më të lartë në histori në fillim të muajit aktual ku arriti shifrën e 73 mijë dollarëve, investitorë dhe sipërmarrës të ndryshëm janë shprehur se Bitcoin do kapi vlerën e 100 mijë dollarëve brenda vitit 2024.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.