Mitsotakis premton të çojë Greqinë në një nivel tjetër – Kryeministri grek prezanton projektin për modernizimin e vendit

Duke prezantuar në parlament vizionin e qeverisë së tij për të ardhmen, kryeministri Mitsotakis iu referua zbatimit të ciklit të katërt të modernizimit të Greqisë.

Tre të parat, tha ai, që shënuan përparimin e Greqisë gjatë shekullit të kaluar, ishin “modernizimi urban” nga Eleftherios Venizelos në fillim të shekullit të 20-të, modernizimi i viteve 1950 dhe 1960 që çoi në zhvillimin e shpejtë të pasluftës dhe “Modernizimi politik i periudhës së pasluftës”, për të cilin ai tha, se falë themeluesit të Demokracisë së Re, Konstantinos Karamanlis, “forcoi demokracinë”.

Masat që ai njoftoi përfshijnë, përveç rritjes së pagës minimale dhe mesatare, uljen e mëtejshme të kontributeve të sigurimeve shoqërore dhe rritje të pragut pa taksa me 1 mijë euro për familjet me fëmijë. Ai iu referua gjithashtu rritjes së ndihmës familjare për nëpunësit civilë me 20 € për fëmijën e parë dhe me 50 € shtesë nga fëmija i dytë, një zgjatje e Lejes Rinore prej 150 € për çdo 18 dhe 19 vjeçar për udhëtime dhe aktivitete kulturore nga shtatori, si dhe njoftoi një plan të ri kombëtar për përmirësimin e objekteve shkollore.

Për sektorin e shëndetësisë, ai bëri të ditur se është duke u formuar një ekip special prej 250 çiklistësh për t’i paraprirë autoambulancave, duke dhënë më shpejt ndihmën e parë dhe në shërbimin e ambulancës EKAB janë duke u rekrutuar 800 anëtarë.

Në planin institucional, Mitsotakis njoftoi koston e programeve të partisë nga një organ i pavarur, Këshilli Fiskal Helen, si dhe një strategji të re kombëtare për menaxhimin dhe mbrojtjen e burimeve ujore me kthimin e tyre nën kontrollin shtetëror.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.