Paketa fiskale në Greqi, përfitojnë 3,9 milionë qytetarë – Hiqet taksa e solidaritetit dhe ajo e mirëqenies, rriten pensionet dhe paga minimale

Qeveria greke ka miratuar një paketë fiskale, ku duke nisur nga viti I ardhshëm parashikohet heqja e disa taksave, si dhe rritja e pensioneve dhe pagës minimale nga të cilat pritet të përfitojnë rreth 3,9 milionë qytetarë.

Nga 1 janari do të hiqet taksa e solidaritetit për rreth 760 mijë nëpunës civilë, duke përfituar 500 mijë prej tyre me të ardhura vjetore mbi 12,000 euro. Njëkohësisht, shfuqizohet kontributi i posaçëm prej 1% në favor të Fondit të Mirëqenies së Nëpunësve Civilë, i cili ka të bëjë me 600 mijë nëpunës civilë. Nga 1 janari do të rregullohet paga speciale e 20 mijë mjekëve të Shërbimit Shëndetësor Kombëtar, me rritje të pagës bazë, shtesës së punësimit spitalor dhe shtesës së pozicionit të përgjegjësisë. Rritja mesatare vlerësohet në 10%.

Kështu, për nëpunësin civil me të ardhura 13 mijë euro, pra pagë mujore neto 1083 euro, përfitimi vjetor nga heqja e kontributit do të jetë 22 euro ose 1,83 euro në muaj dhe për të ardhurat 15 mijë euro ose 1250 euro. euro në muaj përfitimi do të jetë 66 euro në vit ose 5.5 euro në muaj. Njëkohësisht, hiqet kontributi social me përfitim vjetor për një nëpunës që merr 1083 në muaj (13000 në vit) prej 151 euro.

Edhe për rreth 94% të pensionistëve do të ketë një përmirësim të të ardhurave, si rrjedhojë e rritjes me 7% të pensioneve dhe heqjes së kontributit të solidaritetit. Për më shumë se 2.4 milionë pensionistë të ardhurat do të rriten. Sipas shifrave të Ministrisë së Punës, një rritje prej 7% do të kenë rreth 1,7 milionë pensionistë. Për 80-85% të pensionistëve rritja do të arrijë në një maksimum 7%, ndërsa për pjesën dërrmuese të atyre që mbeten do të ketë rritje rreth 6.5%.

Ndërkohë, nga 1 maji do të hyjë në fuqi paga e re minimale, e cila do të prekë 650 mijë punonjës, që do të përfitojnë 751 euro bruto, nga 713 euro që është aktualisht. Rritja e pagave minimale vlerësohet të prekë 1 në 4 punonjës të sektorit privat, pra 650,000 punëtorë me kohë të plotë, ose me kohë të pjesshme. Rritja e re në pagën minimale do të shtojë edhe pagesën e papunësisë nga 407 në 461 euro.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.